Travel Spice Up Your Life

第一次成家人去旅行，仲要連埋舅父表姐表妹 2 家人一齊去，總動員 11 人呢 ~ 成員包括 : Spice, 肥爸 , 肥媽 , 阿妹 , 細佬 , 舅父 , 舅母 , 表姐 , 表妹 , 姨生仔 2 名 機票: Eva Air 成人2011 (Tax included), 小童1591 (Tax included) 暑假旺季機票一定貴d，本來想買平機票，但剛好要confirm果個星期冇做promotion， 最激氣係一買完機票，d airline就差唔多個個星期都做promotion，一個人平幾百蚊， 不過算啦，唯有諗我地11個人一次過上網搶平機票有少少難度啦 以下係原本的行程: 行程 午餐 晚餐 住宿 8 August 2013 THU 1/ 搭巴士出西門町 2/ 西門町食lunch 3/ 去淡水行街買野食野去情人橋等 (台北車站轉去淡水) 4/ 去饒河夜市掃街 (台北車站轉去松山站) 西門町 饒河夜市掃街 Go Sleep Hotel 高絲旅時尚旅館-漢口館 9 August 2013 FRI 1/ 去上引水產食early lunch (10點幾) 2/ 去九份行街食野放天燈 3/ 返西門町行街買野食雞煲去誠品 上引水產 雞煲也任食：台北瘋麻辣 10 August 2013 SAT 1/ 西門町食早餐 2/ 野柳地質公園 3/101 (睇時間而定去唔去) 4/師大夜市(e.g.泰順鞋坊, 86小鋪) 野柳地質公園 師大夜市 11 August 2013 SUN 1/ 去康永街行街食野 2/ 行街買手信? 3/ 觀光工廠 DIY? 原來有老有嫰，行程真係好難跟，長者們體力真係冇咁好，所以我地的行程都更改了不少， 吸取今次經驗，發現屋企的長者們都係適合跟團多D，如果下次再一家人去，可能真係要跟團或者包車~~哈哈 最後實質的行程如下: 行程 午餐 晚餐 住宿 8 August 2013 THU 1/搭國光客運去台北車站出西門町(有免費接駁去西門町) 2/ 去永康街行街食野 (永康牛肉麵, 芋頭大王,etc) 3/ 去饒河夜市掃街 (捷運後山碑站行15min) 永康街 饒河夜市掃街 Go Sleep Hotel 高絲旅時尚旅館-漢口館 9 August 2013 FRI 1/ 去九份行街食野 2/ 去上引水產食晚餐 九份 上...

酒店 アパホテル〈人形町駅北〉Apa Hotel Ningyocho-Ekikita 地址 〒103-0012 東京都中央区日本橋堀留町2-9-4 網頁 http://www.apahotel.com/hotel/shutoken/17_ningyocho-ekikita/index.html 價格 Around 9000yen (Single room) 優點 鄰近東京Metro日比谷線及地下鐵淺人形町站，A4出口步行1-2分鐘即到，包早餐同wifi，機場有鐵直達人形町 缺點 房間太細 特色 N/A 其他 附近有便利店, 超市及好多不同的餐廳，有coin washing machine同洗衣機，好啱d想洗衫，但係又想慳錢的旅客，由於唔係特別近旅遊景點或購物點，所以不太建議遊東京人士入住 喜愛度 😊😊😊😊😊😊 (6/10)

今次出差，總共去左13日，日本的同事們都對我好好， 快樂的時光轉眼就過，離開公司前都有影下呢2星期的Office~ 日本人真係好鍾意飲啤酒同綠茶，佢地係連公司的雪櫃都有啤酒呢~~ 而綠茶更是無限量供應，good~ 社長話之前個welcome dinner咁開心，要再搞一個farewell dinner俾我， 大伙兒去左唱k呢~最搞笑係佢地有好多中文歌~社長同HR都識唱廣東話同普通話歌~ 社長因為曾經係香港工作十年，所以識好多廣東話，係咁叫我陪佢唱廣東話歌~ 以前留學果陣都有去唱K，但今次去呢間好得意，仲有埋樂器，大家都好投入呢~ 臨走我醒起未影大合照，所以就係門口影番張~ 佢地真係好好人，仲話最後一日，要送我返酒店，搞到我好感動啊！ 日本の皆さん、まだね～

今次出trip，除了是disney 30週年，還碰巧是Sky Tree的一週年呢~ 其實我對東京的認識真係唔多，我仲停留係Tokyo Tower的年代，同事係咁同我講Sky Tree的時候，我都唔知佢地講咩~ 原來依家東京鐵塔已經out左，個個去都係去Sky Tree~ 同事陪我去Sky Tree，剛好是佢一週年的日子呢~~ 平時的Sky Tree好似只係主要得藍色，有時會有紫色， 但一週年當日就有好似10隻色呢~~  開頭仲好驚好多人，但原本排唔係好耐就上到去，連張入場卷都係特別d呢~ 其實呢d tower好多都係差唔多，當睇下夜景都幾好o既~ 會場會有俾錢買果D相，但好好的係，佢會另外幫你用你的相機影多張呢~~ 睇完野本身想去買Sky Tree特別版的tokyo banana，點知已經close左，唯有去醫肚啦！ 去左食okonomiyaki~好味，同事係啤酒的愛好者，大板燒好好味呢~~ 臨走再睇多陣唔同色的Sky Tree先回酒店呢~~ なかおかさん、ありがどう～

其實呢個 Subject 唔係好啱，但同好多香港朋友講完之後，大家第一個反應就提起呢個久違的歌名，哈哈！ 話說今年係日本東京迪士尼的3 0 週年，本身好鍾意唐老鴨的我，又真係好有興趣去下， 但由於一個人去迪士尼太無奈了，所以原來只係 plan 左去佢出面全日本最大的 Disney store 買下野就算， 點知日本同事同 Spice 搞 welcome dinner 果陣問起 weekend 去邊玩，我就講起呢個諗法，佢地就即刻搵同事陪我去， 但好搞笑咁搵左全公司最細的同事去，但係一個男同事黎的，哈哈 雖然 2 個人咁去有 d 奇怪，但其實 Spice 自己就覺得無咩所謂，不過驚個男同事唔想去， 最搞笑係社長仲命令個同事揸車黎接我，搞到我超唔好意思，因個同事就住係迪士尼附近，哈哈 ~ 出發去迪士尼喇，天氣好好呀！ 其實東京迪士尼好似同印象中無咩分別，可能係去年都有去過香港的，香港原來都追得好貼呢！ 最特別應該係 Terminator 的新版，不過日本迪士尼真係好多人，樣樣都要排好耐隊！ 本來同事話見公司請我地去玩，我地食好 D ，諗住去食 Buffet ，點知多人到唔使等， 日本人真係好奇怪，佢地一定係有年票架，有咩理由去玩都咁多人想慢慢食buffet，哈哈~ 最後，我地都只係食左快餐，但都好好味呢，仲叫左個30週年蛋糕 迪士尼真係好多人，d fast pass又一早派晒，排show又抽唔中，所以我地其實主要都係玩下影下相睇下 parade ， 後來仲因為天氣差，連煙花都睇唔到呢，所以最後都係買下手信就算， 好多野都好靚呀，但係有好多都係攝買就算，屋企真係冇咁多位放呢~~ 不過都算好好彩架喇，竟然係走先落雨~~同事幫我拎我買的東東，一齊跑去拎車，大家都濕晒，哈哈~ 愉快的一天，さとしさん、ありがどう～

其實今次係第 3 次去東京，但 Spice 從來都未去過橫濱呢！ 前一日講起 weekend 想去橫濱，有一位同事話橫濱最出名係 china town ，叫我考慮下去第度 … 本來聽完都有 d 想改去第二度，但人地真係未去過，又想去下喎 … 同埋一個人去吹下海風都幾舒服丫 ^^ 於是，最後都係自己一個人 搭京浜急行線 去左橫濱， 其實我間酒店都幾好，人形野去橫濱其實唔使轉車，只要搭啱會變成 京浜急行線的就 ok ， 不過因為太晏出門口，去到橫濱都已經差唔多 12 點， 轉地鐵去到 みなとみらい ( 港灣未來 站 ) 落車行出黎的商場，行左一陣就去醫肚先， 由於無咩 idea 有咩野食，所以就隔便揀左一間叫橙屋 (Daidaiya) 的餐廳食 lunch ， 誤打誤撞，竟然俾我入左呢間咁好 view 的餐廳，佢 d 位全部都係望摩天輪景，仲要 d 野食都唔算貴呢 ~~ 我叫左 Daily Special 的燒魚，好好味，一邊望住個摩天輪，一邊食 lunch ，真係好正！ 我諗夜晚黎應該好浪漫 ~~ 食完野就去左周圍行，見到好大隻鬆弛熊，可惜錯過左排隊同仍影相的時間了！ 橫濱 紅磚倉庫 (Yokohama Akarenga soko 赤レンガソコ倉庫 ) 之後我就行左去港口果邊的紅磚倉庫 (Yokohama Akarenga soko) ， 可能係假日關係，剛好有音樂會同埋跳蚤市場，紅磚倉庫的 2 個館都好多野賣，仲有畫展，都幾特別， 雖然唔係話十分吸引，但未去過行下都幾好， 沿著海邊，一直行，行到中途睇到其中一 PART 的音樂會，竟然唔使俾入場費都聽到， 好多人都坐係草地度享受免費音樂，究竟香港人幾時先可以好似日本人咁休閒地過一個週末呢 ? ！ 橫濱麵包超人博物館  ( 横浜アンパンマンこどもミュージアム＆モー ル ) 行到咁上下，係時候出發去另一目的地 --- 橫濱麵包超人博物館， 其實 Spice 唔係麵包超人 fans ，但我又唔想去中華街，見呢個係其中一個出名的景點，就去睇下啦！ 因為驚行好遠，最後都選擇左搭車去新高島站再行過去，其實都唔係真係好近...