【馬來西亞沙巴】Day 1 - 怡豐茶室。First Beach Tarjung Aru
第一年紙婚紀念，剛好遇上公眾假期，機票都貴， 但竟然遇上Air Asia Go做特價，Long weekend買package都好平，所以決定去一個快閃旅行！ 目的地揀左沙巴！ 第一次坐Air Asia，果然一分價錢一分貨，尚可接受😛 沙巴個機場好細，一落機就係入境的地方， 但地方太細，大家迫埋一齊，排左好耐先入到去室內過關的地方😅 過左關，去左搭的士，果然馬來西亞的機場都係有這種Taxi Coupons Counters， 同職員講目的地，會定價收費！ 其實機場離市區好近，今次我地揀左住市中心的Dreamtel International Hotel 地點方便，都算新淨！ 放低行李，即刻去附近的Jalan Gaya食lunch 這條街兩旁都好多鋪頭 今次揀左評價不錯的怡豐茶室 怡豐茶室主要食粉麵，平均十幾蚊港紙就有一碗！ 野飲都好多選擇，仲要好平呢！ D姐姐返工好開心呢！ 天氣炎熱，當然要飲番杯桔仔冰，爽😊 我地叫左叻沙同牛雜麵，好味！ 之後我地就出發去First Beach Tanjung Aru 未見到沙灘，有個小型市集 d雞翼都好似幾好味😋 仲有d類似新加坡的Hawker Center First Beach都好舒服，但沙質一般 不過生態環境可能都幾好，因為好多蟹仔 行行下見到有雪糕車 為食的我倆當然幫襯買番幾球雪糕食下，好味！ 食住雪糕望住呢個景都幾舒服，日日都可以咁嘆就好了^^