Travel Spice Up Your Life

快閃最後一日，閒遊市區，去左之前Night Market附近的商場，包括Oceanus Waterfront Mall 其實沙巴的商場都好無聊，無咩睇同堆無咩人 最吸引我地已經係 Tomica😂😂😂 不過呢個商場係海旁，都幾舒服，不過如果可以無左果d膠爛就更好！ 之前打算今日食意大利野慶祝下結婚周年，所以揾左呢間Little Italy， 雖然食物幾好，但原來同我想像中的環境氣氛差好遠，可能成個城市都係走悠閒feel😛 食飽就趁仲有時間去左行超級市場美麗華，買下手信，好似白咖啡果d 之後返酒店拎行李去機場！ 去機場的巴士站就在酒店門前，好方便^^ 首先要去呢個counter買飛！ 單程RM5，一個人 由於預早左，所以都等左一輪先有車，哈 開頭黎左架車，以為係，好彩問下司機，原來唔係機場巴士， 我地要搭的係呢架！   好快又去到機場，個機場同黎一樣，一出去就上機 臨上機前作最後衝刺，買條雪條食下，好味！ 沙巴快閃之旅就這樣結束，有機會一定會再黎，因為個奶油蝦真係好好味！ 返到香港，回家放下行李，我地又再出發去食大餐做正式慶祝，要一直幸福下去😘

第二天的行程重點是去Weston紅樹林生態區看長鼻猴同螢火蟲 朋友介紹一間叫沙巴遊的旅行社，有廣東話的一日遊旅行團 我地參加的團叫去Weston 紅樹林生態區+尋覓長鼻猴+看螢火蟲遊，RM160一個人 詳情可參考http://sabahyou.com/tour_kk_weston.php 沙巴遊會來酒店pickup，就係呢架旅遊巴，都幾舒服 因為都要坐2個鐘，所以中途停低俾我地去廁所，仲有得食糖水同串燒^^ 行程首先會去參觀水上屋，睇下local的生活 d水上屋好大，不過裝修就較古舊，但這就是特色 除左參觀，仲可以一嘗當地小食，蝦餅都幾好味 食飽就出發去睇長鼻猴，一行十多人坐艇仔出去紅樹林區 首先見到的係長尾猴 之後仲見到好多長鼻猴，長鼻猴係瀕臨絕種動物，好旱見 想睇清楚d，一定要有望遠鏡或單反相機， 雖然相機唔算太好，但都總叫影到^^ 個鼻真係好長！！！ 睇相就知道天色麻麻，回程導遊派定雨衣俾我地 果然之後落大雨，我地都急急返番去水上屋食晚餐^^ 晚餐是當地家常小菜 其實都好多野食，雖然未算十分好食，但都唔太差，都飽肚😛 食飽雨已經停了，又出發回到紅樹林區去睇我最期待的螢火蟲，真係好多好靚！ 點解無相？因為Spice技窮，相樹又唔夠好，所以影唔到， 螢火蟲出沒的時間通常都係黃昏到剛入黑， 我地去的時候更正值螢火蟲交配期，所以見到好多螢火蟲！ 由於強光會影響螢火蟲的生態，所以大家千萬不可用閃光燈， 其實同團得2個識影相的男仔有影到螢火蟲，其他人都影唔到，哈哈 最後Spice收起相機，決定用眼睛好好感受這美麗的螢火蟲飛舞畫面 想知係點，自己google或想像下😝 睇過螢火蟲，大家滿足地回程，真的不枉此行！ 沙巴遊會車返我地返酒店，由於晚餐食的都消化得七七八八， 所以決定未到酒店就落車，行去Night Food Market食下野 去到之後左睇右睇，決定買返酒店食 燒雞翼，正😋 天氣炎熱，行過便利店當然要買雪糕食！ Spice買左呢支雪條，幾好味！ 行返酒店大...

酒店雖然平，但都包早餐 不過早餐好一般，所以都係食少少 今日第一個活動就係行Sunday Market，就係前一日食粉麵果條街，所以好近酒店 有好多不同的檔口，可以順便買手信同postcard 大樹波蘿原來係呠樣 都好多人行市集，各式各樣總有d野會睇中 因為好平，所以買左，但其實做手信有d奇怪！ 早餐食得唔多，因為一早留左肚食富源 富源係自助服務，自己揀野食 再揀野飲先俾錢！ 仲可以睇拉茶，職員見我地影相，仲轉左個圈俾我地拍video Our brunch，Kaya toast真係好好味！ 推介😋

接下來就是去今日重點，就是位於Tarjung Aru Beach的Shangri-La's Tarjung Aru Resort & Spa 雖然我們不是住客，但都可自由出入佢的私人沙灘， 由First Beach一直行就行到 酒店的泳池其實都好大，其實好懷疑大家都自由出入，咁咪外人落左去游水都無人知?! 所以景雖然靚，但私隱度好似差d 這個沙灘好有渡假feel 其實係度飲下野，傾下計都好舒服呢！ 終於去到個沙灘了，靚過First Beach好多！ 這個沙灘的日落俾喻為世界三大最美日落之一， 雖然Spice不知道是不是世界三大咁誇張，但真係好靚同好舒服^^ 睇完日落，我地就去食晚飯，揀左朋友推介的大茄來海鮮餐廳， 係Tarjung Aru Beach去大茄來有d遠，所以要搭的士， 好好彩酒店等的士遇上另一pair香港人都係去大茄來， 所以一齊搭車，share cost，平好多🙌 大茄來出名食海鮮，自己揀海鮮再決定用咩烹調方法！ 野飲方面都係幾蚊港紙！ Spice揀左似fresh apple juice，R san又飲左桔仔冰 我地2個人，但都叫左4樣餸，買單都係200蚊港紙，好抵食！ 首推奶油蝦，真係一試難忘，好好味😋 食飽飽，我地決定慢慢散步返酒店，行15-20分鐘，都唔算遠！ 大滿足的一天^^