【芬蘭Inari】 Day 2 - Inari Snowmoible Safari to the Husky Farm
早上起來在酒店吃早餐，都幾豐富呢！ 除左食物，仲有果汁同各種茶可以飲～ 一邊食早餐，一邊享受雪景，慢活的人生真好！ 今日的重頭戲就係玩Snowmobile同埋去Husky Farm， 由於係錯有錯著的安排，所以只係得我地同一對荷蘭夫婦玩Snowmobile， 出發前大家都換上店內提供的套裝，真係好暖！ 由於Spice無車牌，所以駕駛的重任就由R san負責， 我就負責影相，點知興奮過頭，去Husky Farm途中跌左相機都唔知， 一停下來時同領隊講，但佢話依家好難回頭搵，但佢應承我回程時幫我搵， 但自己都係好唔開心，因為旅程只係剛開始 :( 去到Husky Farm，見到d Husky就立刻好興奮，咩煩惱都唔見晒！ 原來除左我地，原來仲有8個外國人係坐車去Husky Farm， 我地一行聽隨另一個領隊的指導準備出發！ 我地好好彩，係唯一的亞洲人，所以可以坐第一架Husky車，因佢地係睇身型來分前後， 點解話好彩?因為會快好多，其他車如果太重，D狗狗攰就會慢慢行，哈哈！ 旅途的一半，大家會停下來，交換位置，導遊仲會幫你影相， 坐前面同後面企真係好唔同感覺，負責控制好好玩， 其實操作Husky車好容易，基本上得一個腳踏控制速度同埋停車， 原本有諗過Husky Ride會唔會好殘忍，但玩完又覺得其實D Husky好enjoy跑！ 畢竟係冰天雪地，佢地都要搵食，有人飼養都好的。。。 點解會知佢地好enjoy跑?除左導遊有講， 因為你稍微想行慢D，佢地就會寧轉頭望你，好似問緊你做咩咁慢咁，好搞笑！ 完左個Husky Ride，大家仲要幫手解放D狗狗， 同埋回饋下D狗狗，要派食物俾佢地， 開頭幫佢地解跳繩有D驚，點知佢地好乖，係一個幾特別的體驗！ 其實R san係驚狗的，睇佢離咁遠影相就知，但見佢都好enjoy，真係好^^ 狗狗們，辛苦了，大家都狼吞虎嚥呢！ 之後仲有得參觀Husky Farm，d 狗狗的名好搞笑， 呢隻狗究竟犯左咩錯，要叫佢做Error? 之後仲可以一齊入去帳篷內，圍在火爐旁聽導遊sharing， D外國人都好多問題問，我地就好enjo...