Travel Spice Up Your Life

其實呢個 Subject 唔係好啱，但同好多香港朋友講完之後，大家第一個反應就提起呢個久違的歌名，哈哈！ 話說今年係日本東京迪士尼的3 0 週年，本身好鍾意唐老鴨的我，又真係好有興趣去下， 但由於一個人去迪士尼太無奈了，所以原來只係 plan 左去佢出面全日本最大的 Disney store 買下野就算， 點知日本同事同 Spice 搞 welcome dinner 果陣問起 weekend 去邊玩，我就講起呢個諗法，佢地就即刻搵同事陪我去， 但好搞笑咁搵左全公司最細的同事去，但係一個男同事黎的，哈哈 雖然 2 個人咁去有 d 奇怪，但其實 Spice 自己就覺得無咩所謂，不過驚個男同事唔想去， 最搞笑係社長仲命令個同事揸車黎接我，搞到我超唔好意思，因個同事就住係迪士尼附近，哈哈 ~ 出發去迪士尼喇，天氣好好呀！ 其實東京迪士尼好似同印象中無咩分別，可能係去年都有去過香港的，香港原來都追得好貼呢！ 最特別應該係 Terminator 的新版，不過日本迪士尼真係好多人，樣樣都要排好耐隊！ 本來同事話見公司請我地去玩，我地食好 D ，諗住去食 Buffet ，點知多人到唔使等， 日本人真係好奇怪，佢地一定係有年票架，有咩理由去玩都咁多人想慢慢食buffet，哈哈~ 最後，我地都只係食左快餐，但都好好味呢，仲叫左個30週年蛋糕 迪士尼真係好多人，d fast pass又一早派晒，排show又抽唔中，所以我地其實主要都係玩下影下相睇下 parade ， 後來仲因為天氣差，連煙花都睇唔到呢，所以最後都係買下手信就算， 好多野都好靚呀，但係有好多都係攝買就算，屋企真係冇咁多位放呢~~ 不過都算好好彩架喇，竟然係走先落雨~~同事幫我拎我買的東東，一齊跑去拎車，大家都濕晒，哈哈~ 愉快的一天，さとしさん、ありがどう～

其實今次係第 3 次去東京，但 Spice 從來都未去過橫濱呢！ 前一日講起 weekend 想去橫濱，有一位同事話橫濱最出名係 china town ，叫我考慮下去第度 … 本來聽完都有 d 想改去第二度，但人地真係未去過，又想去下喎 … 同埋一個人去吹下海風都幾舒服丫 ^^ 於是，最後都係自己一個人 搭京浜急行線 去左橫濱， 其實我間酒店都幾好，人形野去橫濱其實唔使轉車，只要搭啱會變成 京浜急行線的就 ok ， 不過因為太晏出門口，去到橫濱都已經差唔多 12 點， 轉地鐵去到 みなとみらい ( 港灣未來 站 ) 落車行出黎的商場，行左一陣就去醫肚先， 由於無咩 idea 有咩野食，所以就隔便揀左一間叫橙屋 (Daidaiya) 的餐廳食 lunch ， 誤打誤撞，竟然俾我入左呢間咁好 view 的餐廳，佢 d 位全部都係望摩天輪景，仲要 d 野食都唔算貴呢 ~~ 我叫左 Daily Special 的燒魚，好好味，一邊望住個摩天輪，一邊食 lunch ，真係好正！ 我諗夜晚黎應該好浪漫 ~~ 食完野就去左周圍行，見到好大隻鬆弛熊，可惜錯過左排隊同仍影相的時間了！ 橫濱 紅磚倉庫 (Yokohama Akarenga soko 赤レンガソコ倉庫 ) 之後我就行左去港口果邊的紅磚倉庫 (Yokohama Akarenga soko) ， 可能係假日關係，剛好有音樂會同埋跳蚤市場，紅磚倉庫的 2 個館都好多野賣，仲有畫展，都幾特別， 雖然唔係話十分吸引，但未去過行下都幾好， 沿著海邊，一直行，行到中途睇到其中一 PART 的音樂會，竟然唔使俾入場費都聽到， 好多人都坐係草地度享受免費音樂，究竟香港人幾時先可以好似日本人咁休閒地過一個週末呢 ? ！ 橫濱麵包超人博物館  ( 横浜アンパンマンこどもミュージアム＆モー ル ) 行到咁上下，係時候出發去另一目的地 --- 橫濱麵包超人博物館， 其實 Spice 唔係麵包超人 fans ，但我又唔想去中華街，見呢個係其中一個出名的景點，就去睇下啦！ 因為驚行好遠，最後都選擇左搭車去新高島站再行過去，其實都唔係真係好近...

東京的早午晚餐 由於一個人出差的關係，好多時候都係自己一個人食飯， 當然都有同同事出去食下飯，不過唔會日日有人陪呢，因為工作繁忙，好多日都無出去玩，好彩公司酒店附近都好多好野食，唔錯唔錯~~ 以下係一d唔會另外特別提到而食過的~~ 酒店的早餐，基本上每天都差不多，不過簡簡單單都ok o既， 其實都有飯呀，miso果d，但係我始終唔太慣早餐咁食法，哈哈~ 其實都有飯呀，miso果d，但係我始終唔太憤早餐咁食法，哈哈~ 去日本，最鍾意就係行超市同埋便利店， 由於lunch time好多時都好多人，所以有時就咁係便利店買野食就算， 乘機試下佢d零食，佢地d飲品亦好靚，唐老鴨真係好得意呢！ 日本老闆佢地成日去的平民飯堂，叫左日本咖哩，好味~~ 另外，同事同我welcome lunch，食症好多sushi日本野，仲食埋日本甜品，唔肥都幾難~~  同同事lunch去左食左邊的沖繩特色午餐，有一日仲去左食北海道豚丼， 雖然都幾好味，不過我覺得同上次北海道果個差好遠，上次果個好食好多~   同同事見完客，佢請左我意大行野，都真係幾好味~~仲有甜品呢^^ 以下係一個人的晚餐系列~ 公司附近的海鮮丼，好味！ 有日去左行街，入左去間度食炸豬扒，由於同侍應講日文，佢可能以為我係日本人或者溝通無問題， 所以同我講左一大輪點樣食，聽到我一舊雲， 好彩隔離有個大叔又係叫左差唔多的，睇見人地點食，我先知原來佢間野有好特別的食法^^ 朋友仔的推介，竟然俾我係街度無意中遇上，係我係日本食過第二好味的拉麵， 唔知係咪回憶總是美好，到依家都係覺得幸福拉麵係最好味！ 一蘭係一間好啱自己一個人去的店，因為佢的坐法係唔會令你尷尬， 仲要落order好貼心，有中英日的order紙俾你揀麵的軟梗，湯的濃度等等，值得推介 第一個星期五同事同我去左食welcome dinner~真係好開心呢~~hehe