【日本東京】久違的東京

CX548 08:45 香港=>東京/羽田
快特 東京羽田機場=>人形町
住宿: アパホテル(人形町駅北) (Apa Hotel)

好耐無出差了，好多時好奇怪，永遠去旅行的前後總是遇上出差去番同一個國家！
3月的時候才去過北海道，想念日本美食的我，竟然可以係5月重遊東京出差，實在太幸運了~~~
其實自工作以來，出差的機會算是蠻多的，亞洲很多國家都去過了，反而日本的分公司還是第一次去呢，還去2星期那麼多，很興奮~~

出差當然搭cx啦，用下marco polo的會員優惠嘛，今次坐enco第一行，leg room好大，
仲要唔知點解架機勁full，但無人坐我隔離，正呀~
一落機拎完行李就去增值日本八達通Suica，呢張Suica係的當年係日本留學時去東京玩果陣買的，
早兩年借左俾細佬，估唔到佢仲幫我keep得好好，一問就搵得番出黎，勁！
以前Suica只係可以係東京用的，估唔到依家好多日本地方都用得，連北海道都得呀，早知上次去旅行用啦，
講番增值，只要去info desk就可以好快搞惦，個嬸嬸超好人，隨左幫我double check我應該搭邊架車，仲俾埋guide book同埋送左書簽俾我做紀念^^
今次好好彩，剛好搭到direct train去酒店位於的人形町站，如果唔係要係品川轉車，拎住行李始終無咁方便！

之前做足功課，去過的同事亦提左我邊個出口先有lift搭，所以去酒店無難度，
講真，東京的交通係就係幾方便，不過拎住行李好多個出口都係冇lift搭就真係幾唔方便，酒店好近地鐵站，只係行2-3分鐘就到，為左返工方便，今次住離公司只係5分鐘的人形町酒店，細就真係細左d，但東京嘛，一人房，酒店一定細架喇，最緊要乾淨^^

Check-in時，我之前上網訂定的wifi card已送到，經過上次北海道的經驗，有張wifi card真係方便好多，特別係一個人，出去食飯無聊果陣都可以搵人What's apps下丫嘛~

由於出差太突然，都冇咩plan過去邊，所以去左渉谷行下街，
出去搭地鐵果陣，剛好見到有人慶祝，好熱鬧呢，同埋人形町果然係出名傳統野，
好多時出入都到好多日本女士穿著和服，同埋好多神社，別有一番風味~

其實上一次黎東京已經幾年前了，估唔到我對好多野都仲有少少印象，去渉谷點都要影下呢隻八公像o既！

今次有一個target要去disney store買野，呢間disney store靚就幾靚，不過冇咩野啱我，
行街當然唔少得行下101, PARCO啦，一個人行街其實都幾好，行到幾點都得，

因為知道黎緊工作好忙，所以把握行街的機會，行到好夜先食飯，
最後見有間靚靚地又好似好健康咁，就入左去食，仲要個SET有Cake的，美味しかったね～

剛好來日本的這天，係我最愛的曼聯捧盃，好彩係manutd.com有得睇，唔係睇唔到費sir最後一次帶領曼聯呢！
Thank you, Sir Alex!! We're United!!!!