Travel Spice Up Your Life

睡飽飽，就起身去食早餐～ 我地每日食飯的餐廳都幾唔錯架，除左望住個海，就係望住個infinity pool~   食完早餐，我地就去行下water villa，真係好靚，好期待之後入住～ 係R san同我影緊相的時候，有個staff行過主動話要幫我地合照，so nice~ 係water villa附近真係好多baby shark，根據d staff講暫時未試過有baby shark襲擊人:p 我地成個行程其實真係好舒服，除左浮下潛，HEA下，就係狂食野，真係唔肥都幾難:P 我地每次都揀下唔同的位置坐，今次揀左坐沙灘食lunch，正～ 最得意係全程都係同一個staff serve我地，不過我地果個比較靜，好少同我地傾計，但都OK的～ 我地周圍行下，我地仲去左浮潛，其實好近都已經好多魚睇，所以其實唔太適合游水，只適合浮潛 由於太多珊瑚礁，所以其實真係要跟住reef exit黎浮潛，唔係好容易整到～ 好多魚圍住你的感覺真係好好，不過R san因無con，所以用番自己有度數的goggle，唔可以出去太遠～ 我自己一個浮潛到深水區都只係睇一陣就返黎，因為始終唔太識游水，唔敢游太出，同埋又驚R san擔心，下次一定要提R san配con去呢！ 黃昏時，我地去左酒店送的免費sunset cruise，仲有punch飲，唔錯～ 我地仲睇到海豚，好可惜佢地游得太快了，我地架遊艇追唔到佢地，d staff話其實好彩的話係會見到海豚好近咁經過呢～

一早起來，帶著興奮的心情去機場，馬爾代夫我地黎喇！ 馬爾代夫的機場有當地的文字，好特別，當然要影下啦～ 不過黎到馬爾代夫，唔代表已經到左目的地，因為馬爾代夫係由好多個島組成，所以又有千島國之稱～ Spice在挑選Resort時，揀左好耐，定左幾個標準去篩選： 要有beach villa同water villa，因想2 type都試下 要有活珊瑚 最好可以搭seaplane (雖然很貴，很肉痛，但都想試下） 要有Full meal，即係包晒早午晚餐任食任飲 Within budget, less than HKD2000 per night 最後揀左離機場大約30分鐘 位於South Ari Atoll 的Vilamendhoo Island Resort & Spa 做功課的時候有參考過不同月份下雨的情況，睇過南面6月較少雨水，所以決定揀South Ari Atoll果邊的resort~ 除左乎合要求外，網上亦唔係好多blogger講，tripadvisor的comment大部分係外國人，所以預計相對少香港人or強國人， 而事實證明Spice的決定是對的，幾日的行程都只係見到好少亞洲面孔，感覺很好！ Seaplane USD330 per person, round trip!  坐30分鐘真係好貴，呢張機票差不多等於我地由香港到馬爾代夫加新加坡的來回機票>.< 首先係機場搵番自己resort的counter，會有人帶我地去坐車去seaplane的候機室，一入去已經有免費任飲，唔錯～ 架seaplane又的確係幾有型～ 上到機由於坐唔到第一排，所以揀左最後一排坐～架機真係好細，只坐到十幾個人！ 同機好多亞洲人，但唔知點解去到之後，D人好似無再撞到～ 副機師仲每人派左一對耳塞俾我地，因為其實都幾嘈下！ 機師們都係短衫短褲，仲要著涼鞋，好搞笑，不過人工應該唔錯，飛果30分鐘收咁費:P 俾咁多錢就係為左呢個view~~~係坐speed boat睇唔到的～ 不過，要注意的係其實大部分海洋生態較好的resort都係離機場較遠，無得揀坐speed boat，所以呢d錢係reosrt賺梗你的，哈哈...

由於我地2個都唔係第一次黎新加坡，所以行程比較輕鬆～ 一早起身係附近的阿珅食左個早餐，最鍾意就係食咖央多～ 之後我地就搭MRT去Harbour Front，先去買飛入聖淘沙(Sentosa)同水族館，因為Spice去過新加坡地5次，但只係N年前中學去過一次後就未去過了～ 由於新加坡為發展旅遊業，近年改變左好多，所以決定一齊去，好多人都會去Universal Studio，但由於Spice同R san去過美國的U.S.，加上新加坡的門票好貴，所以我地決定唔去了，去左同事介紹的水族館～ 買完飛，之前睇BLOG話行Boardwalk入去的沿途風景唔錯，所以就決定行入去， 點知見到個牌寫住我地行Boardwalk入，週末係免入島費=.=“點解工作人員無話俾我地知，好衰，呃錢！ 所以大家去都可以問下佢地有無做優惠(雖然Spice明明有問) 一場黎到，當然都要影下Universal Studio個地標～ 係水族館前有個鄭和展同東南亞展，都幾得意～ S.E.A Aquarium - World’s Largest Aquarium 其實個人認為無咩特別，感覺上之前去墾丁同日本的水族館好似仲靚仲多野睇^^ 第一次帶唐老鴨去水族館，幫佢地影左好靚的婚紗相～ 去完水族館，食左個下午茶，新加坡的物價真係幾高，加上遊客區，食野都唔平～ 之後再去必影的魚尾獅影番張到此一遊相，不過呢隻魚屈獅比起市中心果隻好似舊左少少:P 出番市區，去左搵一個舊朋友A，一齊去食左餐飯傾下計～ 朋友A話周圍帶我地行下，去左Clark Quay，N年前間土耳其雪糕仲係度～ 之後再去大排檔食宵野～其實我地已經好飽..haha~ Good to meet up with old friends! That's the main purpose to visit SG again!