【馬爾代夫】Day 3 馬爾代夫Hea Hea Hea
一早起來，帶著興奮的心情去機場，馬爾代夫我地黎喇！
馬爾代夫的機場有當地的文字，好特別，當然要影下啦～
不過黎到馬爾代夫，唔代表已經到左目的地，因為馬爾代夫係由好多個島組成，所以又有千島國之稱～
Spice在挑選Resort時，揀左好耐，定左幾個標準去篩選：
- 要有beach villa同water villa，因想2 type都試下
- 要有活珊瑚
- 最好可以搭seaplane (雖然很貴，很肉痛，但都想試下）
- 要有Full meal，即係包晒早午晚餐任食任飲
- Within budget, less than HKD2000 per night
最後揀左離機場大約30分鐘位於South Ari Atoll的Vilamendhoo Island Resort & Spa
做功課的時候有參考過不同月份下雨的情況，睇過南面6月較少雨水，所以決定揀South Ari Atoll果邊的resort~
除左乎合要求外，網上亦唔係好多blogger講，tripadvisor的comment大部分係外國人，所以預計相對少香港人or強國人，
而事實證明Spice的決定是對的，幾日的行程都只係見到好少亞洲面孔，感覺很好！
Seaplane USD330 per person, round trip!
坐30分鐘真係好貴，呢張機票差不多等於我地由香港到馬爾代夫加新加坡的來回機票>.<
首先係機場搵番自己resort的counter，會有人帶我地去坐車去seaplane的候機室，一入去已經有免費任飲，唔錯～
架seaplane又的確係幾有型～
上到機由於坐唔到第一排，所以揀左最後一排坐～架機真係好細，只坐到十幾個人！
同機好多亞洲人，但唔知點解去到之後，D人好似無再撞到～
副機師仲每人派左一對耳塞俾我地，因為其實都幾嘈下！
機師們都係短衫短褲，仲要著涼鞋，好搞笑，不過人工應該唔錯，飛果30分鐘收咁費:P
俾咁多錢就係為左呢個view~~~係坐speed boat睇唔到的～
不過，要注意的係其實大部分海洋生態較好的resort都係離機場較遠，無得揀坐speed boat，所以呢d錢係reosrt賺梗你的，哈哈！
一去到，就有專人招呼你，俾杯welcome drink你飲下～
之後會同你解釋下島上的設施同埋要注意的事項，之後就帶我地去我地的Resort
呢個resort係分左2邊，一邊係Garden Room同埋Beach Villa，比較適合一家大世去～
另一邊係Jacuzzi Beach Villa同埋Jacuzzi Water Villa，呢邊係adult zone，係唔俾小朋友入住同埋去呢邊，適合情侶夫婦去～
本身Spice打算住2晚Beach Villa，2晚Jacuzzi Water Villa，除左Beach Villa平D，可以慳錢，仲可以感受下唔同的環境，因為連早餐都係在不同的餐廳進食～
點知Resort好好，竟然upgrade左我地去Jacuzzi Beach Villa，Spice超開心，因為貴差不多USD100一晚，抵呀！
這就是我們的Jacuzzi Beach Villa，位置幾好，一開門就係沙灘，仲好近reef exit~
房間嘛，都幾大幾舒服～由於Honeymoon，所以床上有心心，仲送了一個friut basket給我們～
雪櫃的飲品基本上都是免費的，但零食就要錢～
綠色蓋的就是有Jacuzzi的bath tub~
綠色蓋的就是有Jacuzzi的bath tub~
每間房都有專人服務啊！那個DO NOT DISTURB的nut shell很可愛，很有feel啊！
另外，房間還有可參加活動的schedule~睇過schedule，決定參加一下免費的浮潛課～
去reception報名時，職員問我地係咪中國人，問我地參加中文的好嗎？既然有中文，我地就參加了～
但後來我們很後悔，因原來即係同強國人一齊上堂，本身都無大問題，但有些人遲到同無穿著正確的swimsuit，搞到遲左開始，教練被迫縮短課程，同埋其實教練都係講英文，只係另外有個講普通話的職員會協助同用普通話解釋～
其實我覺得酒店亦有做得唔好的地方，就係無一早俾清晰的指示大家要去租衫同蛙鞋果D～
不過，我覺得學下正確的浮潛都幾好，但R san發現佢近視太深，無帶CON的佢，戴上專業的goggle，原來咩都睇唔到，所以即使佢識游水，都唔係好享受浮潛～下次一定要提佢配定con先去～
除左浮潛課，我地基本上就係周圍HEA～
Full Meal的好處就係在全個島上resort的任何一間餐廳都可以任飲，啱晒好鍾意飲野的R san~
Infinity pool其實真係幾靚，通常好多外國人係度～我地覺得黎到咁靚的地方，都係直接落沙灘望住大海更正～自己個villa出面的view真係幾好～
夜晚去餐廳食buffet~~~基本上我地早午晚都係呢度～其實頭幾日都好興奮，D野都幾好食，但食到後來就覺得有D悶～可惜呢間resort無得包其中一餐係candle dinner，因會更正
係drink list上面的都是任飲的啊！連cocktail都可以任飲，可惜R san唔飲酒的，所以我好多時都自己一個人飲:P
望住無盡的大海食晚餐，欣賞天上的繁星，大滿足～
留言
張貼留言