【2014中部愛知三重之旅】- 行程篇

這次中部愛知三重之旅，主要是為了出席當年留學的日本朋友婚禮，再次踏足生活了半年的地方，感受良多，今次還有妹妹同行，當年一齊留學的大學同學Su亦後join 

由於妹妹第一次去日本，所以決定同佢一齊周圍去下，但Spice比較喜歡去d未去過的地方，所以今次決定去名古屋附近的三重縣玩，重點當然係伊勢神宮，但世事往往難以預料，我地竟然遇上日本天皇參拜神宮，搞到行程亂左，仲要去唔到內宮，天皇呀天皇，點解你咁霸道，唔俾人同你一齊參拜呀，仲要出發前上網睇都無通知，要去到車站先發現(仲要只得日文喎!!)，真係俾你激死！不過，有時去旅行就係咁，有d少意外先難忘嘛！最後的行程如下~

日期		地點	住宿
24-Mar-14	MON	香港->名古屋	Nagoya Via Inn
25-Mar-14	TUE	松阪, 伊勢	Matsusaka Ace Inn
26-Mar-14	WED	鳥羽, 松阪	Matsusaka Ace Inn
27-Mar-14	THUR	犬山, 名古屋	Nagoya Via Inn
28-Mar-14	FRI	長島, 名古屋	Nagoya Via Inn
29-Mar-14	SAT	名古屋	Nagoya Via Inn
30-Mar-14	SUN	名古屋->香港

由於朋友仔的婚期一早定好左，而妹妹唔可以月頭請假，所以安排行程都要就番呢d日子，之前一直唔肯book機票，因為覺得唔夠平，成日都有預感會買到cx的fansfare，cx果然不負所望，竟然俾我等到exact period的平機票，買到的時候好興奮，雖然2千幾蚊比起上次北海道的平機票係無得比，當時又未有廉航去名古屋，所以都算好抵了~~

由於之前有段時間常工幹，曾經做過一排Macro Polo銀卡會員，但明明依家少飛左，downgrade番去綠卡，竟然都仲有free upgrade去坐premium economy，坐第一行，個位闊到呢…不過，就因為咁，我先發現原來我近年搭cx都係有free upgrade左，等我仲以為依家cx換左d機闊左添，雖然唔係business，但用平飛價錢有得upgrade都好開心，為今次旅程添加了好的開始！