【馬爾代夫】Day 5 - Free Spa & Free Trial Dive
Resort係前一晚通知定我地第二日要幾點轉房~
我地執定行李，食完早餐就有Resort職員同我地推行李，去water
villa
我地被安排到304號房，係water
villa的第二間房，其實spice開頭不是太滿意喇，
因為覺得比較近餐廳，同埋房間內有中文instruction，感覺是將中國人都安排到最頭的幾間房，因之前住的房間沒有中文的~
入到water villa，嘩，真係好大好靚，貴d其實都值~
房間一出露台就係海的感覺實在太好了，可惜spice都比較怕曬，所以都唔可以係出面學人地d鬼佬咁曬成個下午:p
water villa的廁所比起beach villa的更大，我地仲發現D衫基本上曬完轉頭就乾，
話說R san見咁好陽光，我地就日日都洗下d游水時著過的衫，我地有晚食完飯hea左輪，之後先發覺原來落過雨，d衫濕晒，哈哈
其實我地都好好彩，因為我地去的時候係雨季，但我地5日的行程得其中一晚有落過一陣雨，完全無影響日間活動，所以事前做功課揀Resort好緊要呢~
同埋之前睇過好多人講馬爾代夫其實所謂的雨季都只係落一陣就停，好少會遇上大風雨，所以基本上都唔太擔心!
所以low season去，價錢又平，都唔錯架~
今日的行程都好輕鬆，我地去左做spa，resort送左一個20分鐘的spa俾我地
講真，因為係免費的，又得20分鐘，都對佢冇咩期望，見唔攸錢就去試下啦~
佢地主要都係想睇下你試完有冇興趣再俾錢join其他package，spa就係water villa果邊~
一去到，俾杯野你飲，填下ｄ基本健康狀況，就帶你入房～
環境的確係幾靚，如果做個幾個鐘的ｓｐａ，有埋海景浸浴的確唔錯，同埋佢一邊按摩，一邊睇海的感覺係幾好的～
不過唔知點解，我第一樣就諗Ｄ住客其實可以周圍游，如果突然係你naked的狀況有人係度浮潛，個感覺好怪:
由於spice有去過泰國果d做過4hr的spa，呢20分鐘覺得其實真係好一般，所以我地當然試完就算啦～
完左之後，又會帶你去另一間房，俾茶你飲，無人打擾你，所以我地係果度都hea左好耐，影左好多相先走
馬爾代夫真係一個好地方，好peaceful，好舒服^^
spice的另一重點行程就係去free trial dive，
上免費堂，要一早去報定名，之前R San都報左的，可惜浮潛過後發現無帶CON唔惦
由於R San用唔到無度數的goggle，所以佢當然去唔到潛水
spice好可憐咁自己一個去左上堂，人地都係一雙一對呢>.<
不過，spice呢d去慣旅行，一個人其實都無咩所謂的，同埋之前spice係大堡礁學過Scuba diving，所以覺得無難度~
去到上堂，全部都係外國人，講解完基本野，就帶我地出去潛大概十米，一對一咁落水~
由於大部份都無學過/試過潛水，教練問邊個去先，大家都唔出聲，當然我係得一個人，教練好自己就問我啦，我回佢sure, why not~
其實去先都好架，又唔使等，d工具又我用先，正~
出到去真係見到好多魚呀，可惜得果10米，好快就完左，教練仲話我做得好好，可以去報其他course，
可惜之後去問，星期四五的course都full左了，星期五就走，所以無辦法啦，同埋話晒都係honey moon，我又無理由掉低老公一個人呢！
其實由於spice去過大堡礁，係深海溍得都算低，所以我又覺得好似大堡礁再靚d，或者今次個diving lesson只係近岸邊潛，唔夠深掛:p
潛完水，spice就返去搵瞓晏教的R san，一齊出去同唐老鴨新人影番幅寫真~
我地周圍影的時候，有個鬼佬好主動咁問我地使唔使幫我地合照，好好人，heehee~
我發現有時去到好多外國人的地方，其實唔係幾好意思叫人幫我地影相，因為好似冇咩人影相咁，哈哈
悠閒的日子，當然唔少得去食tea，full meal的好處係唔使錢鍾意幾時食就食，飲幾多就幾多
我地之後仲周圍行，其實除左水上活動，resort仲有其他free sports可以玩，如足球, 網球, etc, 但我諗好少人幫襯
Water Villa真係好多baby shark，每次見到佢地都忍唔住影佢地~
我地覺得其實同baby shark一齊游水都幾特別，一D都唔驚，Spice反而游游下見到一大埋細魚的魚群仲驚，好似俾佢地圍剿咁:p
同埋有一次同R san浮潛的時候見到一隻好大隻的八爪魚，其實都有D驚，驚唔小心踩到佢，會俾佢捲住，所以我地速閃，哈哈
最後，想介紹下我係馬爾代夫，其中一個新發現，就係呢支Bitter Lemon，真係好好飲~
但係香港，好似唔多覺有得賣，佢成為左我係整個旅程的最愛飲料^^
留言
張貼留言