【台灣高雄】Day 2 - 高雄義大世界
義大世界
今日的行程得一個就係去義大世界玩～
我地選擇左坐去左營站，轉義大客運去義大世界！
一出左營站一口出口，就會見到義大客運的車站，站旁剛好有Transformer的模型，當然要影番張相～
由於係元旦，坐義大客運的人多到傻，我地排隊等左好耐先上到車，
開頭以為去到義大世界會人頭湧湧，但去到又OK，唔太迫～
去義大百貨食個Lunch先，由於唔想等，所以食Food Court~
炸豬扒飯，好味～
食飽飽，我地就去左義大遊樂世界玩～
其實R San唔玩太刺激的機動遊戲，所以唔太抵～
呢個過山車好似都幾刺激，我都有少少想玩～
由於剛過聖誕節，所以園內仲有好多聖誕節的裝飾～
其實決定來義大因為Spice睇中這裡好多影相的地方～
特洛伊城區～好多人都必影Selfie的Troy木馬～
- 聖托里尼山城
- 地中海式的設計，真係幾靚～好適合喜歡影相的朋友～
這個幸福的鐘，大家都爭住敲鐘呢～
園內有好多比較適合小朋友玩的機動遊戲～
亦有老少咸宜的3D＆4D館～
玩完一輪，我地就去左outlet行街，但個outlet無咩買，同埋唔算平～
不過，我地都買左件情侶裝外套，R San話抵買喎～
大家有無覺得義大的商場好似重相識～點解D商場，好多都是這種風格？！
義大仲有個好大的摩天輪～
因有義大遊樂世界的門票，所以免費入場！
由於好多人玩，所以要同其他人一個車箱，剛好遇上台灣的媽媽同幾個小朋友，唔錯～
購物廣場的平台，有好多好似夜市的小店，亦有一些精品店～
R san本來想買一個玩Golf的Mario，點知店員搵唔個盒，最後買唔到=.="
不過，我地見到間賣好靚音樂盒的小店，之前有朋友係我地結婚時送過一個同系列好精美的音樂盒俾我地，估唔到有機會見到，所以即買左2個音樂盒，一個自用，一個送朋友～回港後，發現log on都有賣，但賣貴好多呢～
每次見到台灣的豬肉香腸都好想食～真係好好味～
回程時，簡直是惡夢～
由於我地等義大客運的車站不是總站，所以等左好耐都上唔到車，
已經累透的我們又不想行好遠去總站，最後想到可以搭到任何一個捷運站的車，終於先走到～
最後上左高雄美術館線(8502)，係捷運凹子底站落車，中途經過一個類似夜市的地方，
後來想起其實好似係民宿附近，不過無深究了～
回到人民宿，放下東西，再出去搵食，去左附近買碳烤串燒～好味～
最後附上義大的資料～
義大世界資料
網址： http://www.edathemepark.com.tw/Website/index.aspx
交通：
- 台鐵-岡山站、楠梓站、新左營站、鳳山站下車，出口轉搭義大客運前往義大遊樂世界。
- 高鐵-高鐵左營站下車，二號出口至公車第三號站牌轉搭義大客運前往義大遊樂世界。
- 高捷-高鐵左營站下車，一號出口至公車第三號站牌轉搭義大客運前往義大遊樂世界。
留言
張貼留言