【2015 美國出差順道暢遊芝加哥】 －準備篇
因為工作關係，要到美國聖路易斯開會，由於只是2日的會議，所以請了假，順道暢遊鄰近的芝加哥～ 為什麼會選芝加哥?!因為香港去聖路易斯一定要轉機，坐CX的話，通常會在洛杉磯或芝加哥轉機，雖然洛杉磯的航班較多，但Spice已經去過洛杉磯了，所以選擇了在芝加哥Stay behind～
US Data Sim Card
由於沒有太多時間準備，Spice抱著及時行樂的心態，去到想去邊就去邊，但一個人，人生路不熟，還是買張SIM card，隨時可以上網會好d~上網搜尋了一些美國data sim card的資料，其實選擇不多，很多人建議可以去到美國買t-mobile，但有些人說到walmart買最平，有些人建議到聯通網站買，HKD299，會比門市買平100蚊，有些人更說可以淘寶，而且價錢很吸引，只需百多元人民幣，由於 Spice太遲才決定要買data sim，所以怕來不及，最後去左鴨寮街買，地鐵A2出口轉左，有好多檔，由於懶惰關係，見到第一檔有得賣Ultra Sim，其實同聯通果張一樣，但仲平過聯通，賣HKD280，見都好多人買，所以即買，售貨的哥仔仲即刻問我拎whatsapp電話，send左用法俾我，仲話有咩問題可以直接聯絡佢～
Package內有說明書，Ultra Sim基本上有齊3隻SIM card size，但建議小心d開，因為一整有時就係最常用的Nano Sim~開啟後可用30日，包無限美國數據上網＋無限美國及國際電話（指定國家）+無限短訊，用法很簡單，放入電話，將VPN的APN設定為wholesale，之後再打開SMS，send 短訊內容"GOGO"到6700，之後就會收到一個短訊關於美國電話號碼及到期資料，30日後可允值繼續使用～
Ultra Data Sim Card用後感
上網算隱定，但要注意很多時地鐵收唔到之後，要手動重新refresh network才可繼續使用，其實後來發現芝加哥有很多地方都有free wifi，如果短途去幾日，其實唔買data sim都OK，不過用法簡單，如果可以用足30日其實唔錯！
芝加哥住宿
由於無做太多功課，但見好多人推介位於The Loop的Hostelling International Chicago (http://hichicago.org) ，而且價錢在芝加哥算便宜(連稅around HKD320一晚)，所以毫不猶疑就book左，去完覺得決定正確，係一間十分好的Hostel，會另外再介紹～
留言
張貼留言