【芬蘭Inari】 Day 1 - Inari (Siida)

由Ivalo機場出發到Inari，途經一D酒店，都有人落車，

大概用左45分鐘，就去到我們入住的酒店 Hotel Inari  ，在酒店門口落車，真的很好～

雖然check in的時間是3點，但剛好我們預訂的房間已經ready，所以可以入房～

之後我們出發去第一個景點Siida，出酒店轉右走大概20分鐘就到了！

Siida其實係一個細細的博物館，可以從中了解Sami文化同Lapland的大自然生態，幾有意思！

小小的博物館並沒有一般博物館印製精美的小冊子地圖，但有過膠的地圖可以借用～

入場亦沒有門票，只會在手上打印來表示已付入場費～

我們的第一站是先醫肚！

博物館內提供簡單餐飲，我們選擇了Lunch，

因為包飲品和沙律BAR任食，EUR13就食到lunch buffet，good!!!

其實所有飯和雞都是任食，但食少少就好飽了！雞塊同湯都好好味！

食完飯，開始睇展覽，當然有好多都跟北極光有關～

喜愛唐老鴨的我當然留意到1988年第一次用Sami Language發行唐老鴨漫畫:)

其實Siida是否必看？！

只可以講在Inari沒甚麼景點，當了解一下當地文化都是不錯的選擇，但就不算是非看不可～～

館內有一個北極光show，每天有幾場，

但時間還未到，我地就到室外走走，看看古時不同的Sami屋，還有Snow Theater....

Snow Theater，其實白雪雪，大大的一個劇場，

但周圍都是雪，好懷疑係咪真係show在這舉行，哈哈～

走完時間到了，回去看北極光show，北極光真的很美，如果親眼看到極光爆發就好了～

睇完再影下相，就走了！

回程當然行下街先返去，我地行左間小型超市Siwa，經我地格價，這家比酒店附近的超市平！

除左姆明同Angry bird，原來唐老鴨都好受歡迎，周圍都有得賣佢的漫畫，Spice當然都買左本留念！天寒地凍，我地竟然食雪糕，爽呀，哈哈！

酒店附近的一間手信店，隻北極熊同雪景好襯！

酒店對面的超市K-mart，開9-21，見到姆明復活蛋，好靚，但有D少貴，唔捨得買，所以攝買！

當然唔少得網友們的推介雞腿！我地買左2隻做晚餐！

另外，我地其實出發去Siida前，有去book明天的雪上活動，

因為之前本身想book的Snowmobile加Husky Ride tour無位，所以最後決定去到Inari先book，

個職員本身話我想book的真係無，所以我地想改只玩Husky Ride，

但職員話要check check有無位，留低電話，

佢之後覆我地，果然好有交帶，回酒店前打俾我地話有位，Yeah!!!

本身個package只包snowmobile to husky farm同dogsledding，

但原來之前佢地booking出錯，有另外的遊客一早join左Snowmobile & Husky Farm Visit，

所以我地最後竟然玩到我地想玩的，仲要用平D的價錢玩足4小時，有埋Farm Visit，

雖然都係好貴，一個人要EUR190，但比正價平，所以都算抵左～

北歐最燒錢的就是這些雪上活動，但一場黎到又無理由唔玩～

之後為晚上看北極光作準備，落左酒店對住鋪滿雪的湖面行下，視察下環境，

但天氣麻麻，個天好多雲，反而Ivalo同Rovaniemi個天清D，點解！！

湖面仲有好多不太漂亮的雪人，哈！

由於late lunch食得太飽，所以我地以杯麵加下圖的做晚餐～

食飽沖完涼，我地有再落湖面睇下見唔見到北極光，

可惜天陰陰，咩都睇唔到，極光指數已經算全晚最高，唉！

雖然周圍都好多雲，但其實我地望上天，有少少位係睇到星星，

無做足功課的我地，唔知道原來睇到星星就有機會睇到北極光呢！

由於係第一日，其實我地已經好攰，決定早D瞓再起身睇，

但10點幾同12點幾起身再睇，仍然係好多雲，最後累透的我倆決定一覺睡到天光>.<