【芬蘭Rovaniemi】 Day 3 - Santa Claus Village
晨早起來吃早餐，因為我地要趕7:15去Rovaniemi的巴士！
由於好多人都會搭呢班車，所以油店好好咁提早6:45就開始早餐時間，
幸好酒店門前就係巴士站，唔驚miss左班車！
今日唔太凍，有-3度，巴士上仲有free wifi^^
由Inari坐去聖誕老人村，7:15上車，要11:46先落車，要差不多4.5hr =.="
車費比我地坐內陸機仲貴，要EUR56.9一個人
中途有停車，俾大家去下廁所鬆一鬆，仲會換司機，
基本上建議大家同司機講聲去到聖誕老人村提你落車，就唔驚miss左，
其實好多人落車，所以都唔使太擔心！
呢架就係我地搭的巴士！
瞓完一輪，終於落車，仲落緊雪呢！
巴士網站上落車的站叫Napapiiri，但落車去到個站牌叫Pikavuoro，
總之見到個三角站就知要落車啦^^
去到第一時間寄存行李，之前做定功課，知道有間店有呢個service，
可能太多遊客了，所以佢有埋中文告示，一件行李Euro 5 (好似?)
放完行李，當時要周圍影相同搵聖誕老人啦！
由於落雪關係，真係好似有聖誕氣氛，以為係聖誕節呢😝
好興奮黎到是日重點: 跟聖誕老人見面😊
去到都有好多人排隊等見聖誕老人，不過唔算等太耐！
沿途仲有好多名人同聖誕老人的合照。
就快見到聖誕老人了，會有個精靈裝扮的職員同你傾下計等候^^
雖然知道聖誕老人係假的，但都係好興奮，首先同聖誕老人影2張相，
之後先開始傾計，你問多D野，佢就同無講多幾句，成個過程都全球直播同錄起左，
聖誕老人好勁，佢竟然識幾句廣東話，連點心名都識，
我問點解佢識廣東話，佢話因為佢係聖誕老人，哈哈！
佢仲話聖誕節會黎香港派禮物，叫我地要be a good girl and good boy😂
難得同聖誕老人合照同傾計，所以我地貴都買左Eur40的online download photo and video~~
來到北回歸線，當然要影番張踏入北極圈的相啦^^
周圍行下，再去買左張證書，係passport吸個印^^
同店主傾計時，佢透露原來佢係Santa Village創辦人，佢話後來想輕鬆D，賣左俾人
雖然知道係商業賺錢為主，但多謝佢為大家帶來這個童話世界😃
來到聖誕老人村，當然要寄Postcard啦！
Post Office仲有世界各地的大人小朋友寄來的信，來自香港的果然特別多！
這令的想起曾經都有人為我要求聖誕老人寄信俾我呢😌
好多好靚的Postcard^^
仲有好多特別的Postcard，有姆明同聖誕老人的，
想用這特別版寄，要另買一張EUR 0.1的郵票呢！
聖誕老人村最特別的地方，就是可以揀即日寄出或等下一個聖誕寄出，
好開心可以預早寄上聖誕的祝福俾親友^^
玩完一輪，又係時候走了，臨走前發現，原來室內都有Arctic Circle的線，又影一輪^^
最後出去搭巴士，已經有好多人同我地一樣等車出市區呢！
北歐的交通真貴，一程出市區的巴士，盛惠EUR 3.9一個人，不過比起之前程巴士，都算平了
留言
張貼留言