Travel Spice Up Your Life

轉眼開心的旅程又過去了～ 最後一日係名古屋站shop到最後一分鐘，之後再去機場～ 臨去機場，驚買唔到赤福，所以係名古屋站買番d赤福做手信，好可惜咁好味的赤福的賞味限期只得2日呢～ 係機場，仲未夠鐘，趁有時間當然立刻買番盒最出名的手羽先食下，我地去果陣香港仲未開分店啊～即整的手羽先果然好好味，但食2隻就好夠，但我地貪心地買左好多隻，食得多就覺得無咁好味，哈哈～ 原本以為旅程快要結束，但近年去親日本都好多奇遇，當我地的CX大機快要降落香港機場，已經飛到水平線竟然飛番上去，原來因為天氣太差降落唔到，開頭唔為意，以為隔一陣就OK～點知搞左成個鐘都未落到地，話唔夠燃料，要轉飛高雄=.=去到高雄，停左好耐，CX繼續開entertainment俾我地睇，估唔到隔左好耐，最後機長宣布已經過左隊CREW的飛行時間，我地要stay一晚高雄...OMG～又黎，不過今次係台灣都好過上次北京的～航空公司安排我地落機放低個passport，每人拎個過境牌，就被車去酒店～ 由於係國泰安排，所以今次好放心，但最大問題係我地好夜都未食野，去到check in問個職員，佢竟然同我講附近好多野食，但問題係我地無台幣=.="好彩原來都有room service，所以刷卡就OK~其實唔明點解國泰無野俾我地食囉～Spice同妹妹叫左一個餐2份食，果然係靚酒店，好味～ 其實，我地去到酒店有wifi先知原來香港遇上百年一遇的落冰雹，誇張到連又一城個天花都穿左漏水 啊～仲要第日返香港先知全日其實好似得到10班機咁上下要轉飛第度，我地降落的時間天氣係最差，估唔到咁都俾我地遇上=.=|||| 不過，當住多晚酒店啦，呢間酒店又大又舒服，早餐仲要超多野食，係食過最豐富的酒店，後來聽同機阿姐講呢間酒店原來係貴野～～係高雄最高的酒店啊～不過可能就係呢間比較貴，所以無咩人住，所以先可以咁夜都仲有咁多吉房俾我地入住～同埋附近有夜市，最衰太夜同又唔識路，如果唔係可以玩埋高雄夜市呢～ 高雄機場細細地，都幾舒服＾＾  國泰仲有飯盒俾我地，都算係咁啦～食過飯盒，終於結束今次的旅程回港～～

日期 行程 住宿 29-Mar-14 SAT 朋友婚禮＠ 名古屋 Shopping@榮 Nagoya Via Inn 終於黎到今次旅程的目的，就係參加日本朋友仔的婚禮了， 日本人真係好細心的民族，佢地每一個細節都take care得好好， 由於佢地好重視婚禮，所以大家都會著得好靚set晒頭咁去，新娘子本身想介紹我地去salon set頭，但後來問我地如果唔介意，就搵左其中一個朋友幫我地set，我記得當年留學要著浴衣去睇煙花，都係呢個朋友仔幫我地set頭呢 ～ 一早起身係酒店set頭，之後朋友同我地搭的士去左一個地方化妝， 呢個品牌我無聽過，原來佢可以俾人任用佢d product，可以點化都無人理你呢，好free好開心^^ 之後我地又搭的士去會場，其實都好近，但原來新人會準備埋taxi coupon俾賓客坐的士去婚禮會場呢，好sweet~~ 去到已經有好多賓客到左，佢地習慣會放低大外套，手袋俾餐廳，再換上小外套同手袋仔，好得意呢！我地每人影左張即影即有，再寫上祝福的說話俾新人，之後影左d合照，就上去證婚！每個賓客都有好靚的婚紗造型的吹波波，等大家可以歡迎新人進場！有d出席的賓客都有著和服呢，好靚，我都好想著呢～ 之後去另一場地進餐，好精緻的料理，每個賓客都有自己的位，有好大一袋的回禮禮物，仲有每人一個menu，個menu好得意，有新人的介紹，係幾年幾月幾日生日，咩血型果d都有講，好得意呢～佢地仲有專業司儀介紹同補充menu上冇講的野^^ 日本人的婚禮好細緻，好溫馨，有朋友家人出黎講下野，雖然Spice唔係完全聽得明晒，但都聽到感動眼濕濕啊！或者就是那份幸福令人很感動吧～能夠和很久沒有見面的朋友們聚聚，真的很開心啊～很慶幸當年做helper認識了他們～ 去完婚禮，返去酒店搵阿妹～之後我地再次出動去榮行街～～ 我地再次練仙mode~行到好夜返留名古屋站先食野～黎到名古屋，都係食佢的名物最好～～好好味呢＾＾

日期 行程 住宿 28-Mar-14 FRI 長島三井 Outlet Park 名花之里 Nagoya Via Inn 今次中部之旅，我最期待的行程就係去名花之里，由於我地去的時間雖然已經到左賞櫻季節，但仲有冬華之競技，即係冬天夜晚的燈光 show ，為左配合去名花之里，打算日頭行下 outlet ，唔好浪費時間！我揀左去附近的長島三井 Outlet Park ！ 長島三井 Outlet Park ( http://www.31op.com/nagashima/ ) 去長島 outlet ，有幾種方法，係名古屋站搭巴士，或者係搭 JR 近鐵線！ 買左 pass 的我地，當然係搭近鐵啦，慳番程車錢 … 不過好奸地， pass 竟然唔可以搭桑名站去 outlet 的巴士！我地悠閒地出發，亦悠閒地搭錯車 ~ 係車度我地掛住傾計講去名花之里，竟然係長島落左車，仲要出左閘睇地圖先發現 mix up 左 =.=” 搞到 su 要再買過張車票，而我地亦好白痴咁又要再等佢下班車先去，記住要去 outlet 的朋友如果係冬天要去桑名站轉車啊！ 長島呢個 outlet 打破左我一向對 outlet 的觀感，因為實在太多野買喇！最意外係，佢好多店仲要係賣緊同出面 mall 賣緊的新貨，就好似 lowery’s farm, earth music ecology 咁，真係俾佢激死呀 .. 因為我地第一日血拼時無諗過 outlet 有新貨賣，已經買左好多野，去到 outlet 竟然都有，仲要平左，好彩之前無買晒，我之前睇中褸，覺得有點貴，所以無買到，去到 outlet 竟然半價，唔需考慮，即買，哈哈！ Lunch 我地去左其中一間餐廳食，佢都幾得意，有少少似 food court ，有好多間唔同餐廳的食物俾你選擇，但佢係你入去前就要 order 食物，之後先安排入座，佢地會有人 serve 食物去你張枱，之後想再 order 食物亦可，唔錯的安排 ~ 我叫左名古屋名物味噌炸豬扒飯，仲要係矢場豬的 .. 好味！ 由於日本的交通唔...