【日本鳥羽】- Day 3 鳥羽水族館。夫婦岩

6月 22, 2014

日期		行程	住宿
26-Mar-14	WED	鳥羽水族館 Lunch@鳥羽水族館二見浦夫婦岩 Dinner Shabu Shabu@松阪	Matsusaka Ace Inn

松阪Ace Inn的早餐比起名古屋的，真係無咁好食喇，但唔使錢都叫做ok啦！

由於今日又係要跑景點，同埋之後無咩地方去，所以我地決定用多一張特急飛，坐特急去鳥羽，只需27分鐘就去到鳥羽喇！

鳥羽水族館(http://www.aquarium.co.jp/)
我地今日第一個景點就係去鳥羽水族館喇，鳥羽水族館其中最出名的就係人魚，不過睇完之後覺得都冇咩特別，唔係想像中的美人魚，而係醜醜笨笨的，哈哈！

雖然水族館唔係大，但我都幾推介大家去，因為d表演都幾精彩！

要睇晒d show，就真係要夾下d時間，我地睇左4個show，分別係アシカショー,ペンギン散歩, セイウチパフォーマンス笑(ショー)!同埋帶個唔記得左係咩:P

アシカショー: 即係海獅表演，其實都係同平時果D差唔多，唔太特別

其實好似海洋公園的海洋劇場喇，都幾好睇，不過要睇呢個SHOW就真係要預時間早少少去，因為好快就滿座呢，我地由於唔想浪費時間，所以決定學D日本人企係側邊睇，都唔錯！

ペンギン散歩: 即係企鵝散步，由於去過北海道睇企鵝係雪上散步，呢個對我黎講就冇咁精彩了，但同行的阿妹都睇得好開心，始終企鵝行路果陣真係好可愛

セイウチパフォーマンス笑(ショー)!: 海象搞笑表演，呢個係我最推介的節目，因為比較少咁近隔離睇咁大型的海象表演，同埋真係好有娛樂性，好好笑，所以十分推介啊 (hm…我相信唔識日文都一樣會識笑的)

＊佢未出場時係水見到佢已經覺得好大隻～開頭表演下d簡單的串圈圈，頂下波咁～

＊頂完波，食下野，仲識刷牙呢～

＊用傳聲筒講野，Spice覺得呢隻相影得好好～capture the moment^^
＊完show的時候，佢地仲會繞場一周，Spice仲有機會摸下佢...哈哈

由於知道附近唔多野食，我地都係水族館食lunch~

去完水族館，就出發去二見浦夫婦岩了，本身水族館旁就有車搭，係鳥羽'Kamome'(海鷗)巴士，pass都包埋的，點知行到去車站見到站左張紙，OMG，又因為天皇，D巴士都改時間唔運行，果下真係嬲左，天皇真係我地的黑星，無辦法之下，唯有行返去近鐵站，睇下可以點去，沿途仲買左D珍珠鍊做紀念~

去到車站，本身以為要好轉折先去到夫婦岩，點知去information center一問之下，竟然發現車站底下有另一架CAN巴士可以去到夫婦岩，yeah！中間未有車時，仲去左車站旁的商店間睇下野，日本的車站真係超多野買，成日都要忍手先無大出血~

夫婦岩 (http://www.amigo2.ne.jp/~oki-tama/)

3月的鳥羽其實都幾凍呢，夫妻二岩仲要係海邊，真係凍凍呀！

我地去到當然要影下相，拜拜呢個有名的夫妻石，其實比我想像中細呢，不過臨結婚前黎拜拜呢個夫婦岩都唔錯，仲買左個夫妻守返黎同R san一人一個，阿妹亦趁機求個姻緣守，哈哈~

影完相，我地就拿拿臨返去賣手信的地方食赤福，wakaka，自從一試之後，我同阿妹見親就想食，係海邊凍完之後，入去食熱辣辣的赤福紅豆湯，真係正呀！堂食完想買盒返去，竟然已經賣晒，原來真係好受歡迎呢！食飽飽又要趕回程的巴士了，經過呢幾日的天皇影響，我地都好驚搭唔到車返市區，因d車改到亂晒>.< (PS: 其實我地真係好鍾意影呢D得個頭的紀念照...哈哈）