【日本松阪伊勢】Day 2 - 伊勢神宮。松阪牛

日期		行程	住宿
25-Mar-14	TUE	Lunch@伊勢朝飯屋福よし 伊勢外宮 托福橫丁 Dinner松阪牛@燒肉一升びん	Matsusaka Ace Inn

一早起來，落去食個免費早餐，早餐係以buffet形式自由取食物同找座位，雖然早餐簡簡單單，但都好妹咪，特別係個飯團，正呀！食飽飽，就放低大件行李俾酒店(之前做booking時已同酒店溝通好會放低行李幾日，之後再check-in時取回)，同阿妹拎住個小旅行袋就出發去三重 ~

去到名古屋站，第一時間去近鐵換特急列車車飛，點知係途中，唔識日文的阿妹竟然留意到車站剛貼左張告示出來，問我講咩，一睇心知不妙，個告示話呢幾日都有好多時間唔俾其他人參拜，由於琴日都無見到，等我地仲悠閒地瞓飽食飽先出門添=.=”

無辦法啦，點都要照去，唯有上車再諗，去到名鐵，特急的係閘對住的窗口，同普通飛的售票處唔同的~有買pass的一定要坐特急啊，真係快好多的~本身係打算住一間係伊勢的民宿，但想book時已經full左，由於想住平d，上網參考過網友的意見，決定住松阪，不過去完之後覺得，有得揀都係揀住伊勢好，哈哈~~

去到松阪，第一時間去車站外的觀光所拎下資料同埋STAMP FOR RECORD…

觀光所的伯伯好堅持個STAMP一定係要跟番原本份野黎印，唔俾我地印係機場拎果本PASSPORT BOOK度=.=”

不過伯伯好好人，係咁問我地要唔要係出面影相，我以為影咩，佢即刻去拎左隻松阪牛….紙版俾我地影XDD

見佢咁熱情，所以都好合作咁影左好多張相，松阪牛真係好出名，阿伯講左D松阪牛我知，阿妹當然唔知佢講咩啦，原來有d松阪牛真係天價，勁貴！有機會都好想食下天價的松阪牛~~

影完相再同伯伯講起會去伊勢神宮，問佢係咪真係會唔開，佢就講左一輪原因…果下我聽到佢話日本天皇黎，但唔sure，去到酒店check-in，一入lift睇到個告示就confirm我冇聽錯，真係因為日本天皇要去參拜伊勢神宮，天皇呀，點解要咁對我地>.<



同阿妹傾完，發現都係即刻出發伊勢行下，我地坐近鐵去到宇治山田站落車，本身想去托福橫丁(おかげ横丁)食下野先，但一出車站，好多警察，車站外好多日本人拎住日本旗仔揮手，一問之下原來佢地係迎接天皇，原本應該係車站外轉巴士去橫丁，就咁樣巴士都冇得搭，嬲嬲地唯有直接去外宮先，本來都想睇下一唔一齊睇下天皇，但原來仲要等多半小時，所以我地無等了，去外宮的中途搵左間野食lunch~

其實時間好尷尬，途中無咩食，得呢間小店有開，食日式咖哩飯，阿妹唔介意，所以我地就係度享受左一個唔錯的午餐，有個食客仲知道我地唔係日本人之後，係咁同老闆一齊同我地傾計，仲話俾我地知，佢地其實都係果幾日先知天皇要黎參拜神宮呢，食左餐舒服好味的咖哩飯後，我地就出發去伊勢神宮！

其實唔去都唔知，原來伊勢神宮係日本最出名的神宮，日本人話係一生一定要去參拜一次，正常的參拜次序應該係先去外宮，再去內宮，由於伊勢神宮好莊嚴，神宮入面係唔俾影相的，所以大家都只可以係外圍影相！雖然話一生必去的神宮，但說真的，其實唔係好識欣賞，可能唔係日本人，無咁深感受，但都好尊重地有拜拜，仲因為佢咁勁，求左幾個靚靚護身符，我覺得未去過，去三重點都應該去下呢！其實人地話內宮多野睇D，好可惜時不與我，我地今次同內宮無緣>.<

以下左圖只可以係外面影相啊～入到去就唔影得了～

係外官有d好大棵的樹，原來係好大年紀好難得的樹呢～

去完內宮，係出面搵野食，伊勢名物赤福一早就係我必食的LIST度，嘩嘩嘩，不得了，食完從此愛上了，真係好好食！喜歡吃甜的朋友，一定唔可以錯過！之後我地再行下外宮的購物街就去托福橫丁了~

搭巴士去唔使錢，點知去到已經覺得唔對路，咁靜o既?原來因為神宮唔開，少左好多遊客，加上時間都唔早了，所以好多都就黎關門，行左2,3間店，其他都關門了，好失望，唯有回松阪吧！





返到去酒店，梳洗下之後，就去搵野食喇，之前上網都搵左幾間食松阪牛的店，問過酒店之後去左酒店附近其中一間叫”燒肉一升びん”食，一入去好好彩咁仲有一張2人枱，係要坐係tatami上面的，成間店都係日本人，感覺好local啊！由於對於食物的日文認知較少，所以都係叫左一個2人set，有好多種唔同的松阪牛，另外再叫左我最愛的果汁酒飲，其實上果陣都唔知邊樣係邊part，不過唔理了，好味就得！松阪牛真係松阪牛，平平地都食到好好味的~

由於真係無遊客，而佢地亦都好似冇發現我地唔係日本人，所以最後我地真係唔好意思叫人幫我地影相，最後黎個自拍就算，食飽飽係門前又影下個門口，d日本人行過都望下我地，可能呢度真係比較少遊客，所以佢冇諗過我地會係度影相:p

返到酒店，wifi用唔到，打去問話真係唔work，無得上網的晚上，我地決定出去走走，係酒店拎個map，唔錯，係酒店自製的，跟住地圖去搵super market，隔離仲要有間100yen店，真係超開心，2個人狂買，間100yen店都幾大，買左好多野都只係2千幾yen，好滿足咁再挑戰超市，日本d野真係樣樣見到都好想買，2個人買到一袋2袋咁返酒店，最大問題係，我地2個係無帶行李箱黎三重，買咁多野都唔知點走，解決方法就係第二日又去左100yen店買左個靚靚紅白藍袋..哈哈~~

我地去日本前有朋友拜託買日本最流行的可焗KITKAT～去到日本原來發現並無想像中流行，在名古屋市區真係無點見到，去到松阪估唔到先有～～後來問日本朋友，佢地全部都唔知有呢樣新產品呢，看來香港人以為流行，都係受到marketing影響，哈哈～係日本買左好多返香港做手信之後，點知返到香港無耐，759就已經有得賣了～另外附上係神宮買的靚靚護身符＾＾