【日本名古屋】- Day 1 名古屋回鄉篇

日期		行程	住宿
24-Mar-14	MON	Shopping@榮 - Parco	Nagoya Via Inn

期待已久的中部之旅出發了～

去到中部機場，第一時間去買近鉄Pass Wide~

點解會買呢個pass呢？！主要計過去玩的地方，都係用pass抵d，可以慳交通費，同埋有d地方入場有優惠，以下係近鉄pass wide的簡介～
(ref: http://www.kintetsu.co.jp/foreign/chinese-han/useful/ticket/rpw1-2.html):

周遊券裡面的機場回來票有多種選擇：
－關西國際機場到南海電鐵「難波站」之間的南海電車來回票

－中部國際機場到「近鐵名古屋站」的名鐵電車來回票兌換券

－各使用一次南海電鐵或名鐵電車，去程跟回程可自由組合。

※無論從哪一邊的車站出發都可以自由搭乘兩地之間的近鐵電車全線(請參照地圖)




可利用近鐵電車全線、伊賀鐵道全線、伊勢志摩地區的三重交通巴士和鳥羽市'Kamome'(海鷗)巴士盡情暢遊

在周遊券的使用範圍內均可自由上下車而且不限次數。

附三張近鐵特急列車的特急兌換券

一般價格：

大阪到名古屋 1,900日元、名古屋到伊勢 1,320日元

當您到大阪、奈良、京都、伊勢志摩或名古屋的相應觀光設施遊玩時，只要將本優待券交給櫃檯人員便可享受包含折扣在內的多種優惠。(一人最多可用在十處觀光設施)

其實玩埋大阪果d又真係好抵，但係我地今次主要睇中佢包埋機場來回，近鐵任搭同埋三重交通巴士，真係好多日都用到盡呀~~買完pass，好鍾意儲印仔的spice當然去吸番個來港紀念印先啦～

之後即刻去換2張名古屋站的名鐵車飛，出發去酒店！今次Spice揀左係名古屋站的酒店，而無揀到係榮(Sakae)，主要係因為之前試過住榮，發現只係方便購物，而唔方便去玩，始終名古屋站去出發去各地的中轉站，同埋朋友的婚禮亦係名古屋站周邊，所以決定住名古屋站會方便d～ 



名古屋站，雖說方便，但實在是太大了，明明酒店就在車站附近，但由名鐵出口再行去新幹線出口，有點兒遠啊！但無辦法啦，又想住平又新的地酒店，所以就行多2步啦~途中見到好靚的樹，忍唔住要停低影影～新酒店，價錢唔錯，wifi都算快同穩定~我地放低行李之後，就立即出去shopping~~由於驚之後可能無時間去榮，所以決定第一日就去睇下有咩想買，格下價先~~

去榮，識去的一定係去Parco，想當年最愛的shopping mall，仲係以前最愛的平靚正CDS買左好多野，去Parco預左出血，行到腳都斷時，阿妹都忍唔住同我講左句: 果然不負眾望！一個shopping mall就KO左我地第一日的行程，本來仲想帶阿妹去睇下Oasis 21果d，但係行完其他malls, shops都close晒了，連本身想係Parco一間靚靚餐廳食個dinner都唔得了，最後決定返名古屋站，係酒店附近hea食。

酒店附近好多間餐廳都開到好夜，有D仲係24小時，所以唔驚無野食~由於有幾間之前我都食過，所以決定試一間叫めしや宮本むなし，呢間係平價入錢落機買飛的餐廳，阿妹叫左個咖哩豬排飯 (620yen)，我就食左個燒鯖魚飯(590yen)，唔知係咪好攰同超肚餓，所以覺得好好食，不過我一直覺得係日本真係好少會覺得唔好食，唔知點解好似樣樣都好好食咁，哈哈~

食飽過後，返酒店沖涼瞓覺，抖足精神出發去三重！