【日本北海道小樽】- Day 2 小樽北一硝子。小樽音樂盒。大正硝子館。政壽司

Day 2 北京 => 札幌千歲空港 => 小樽

交通:	1) CA169 08:50 北京 12:50 札幌千歲空港
	2) 自駕 Nissen Serena
住宿:	ホテルノルド小樽

一早起身搭酒店免費車去機場出發去札幌千歲機場，北海道，我地黎喇！！！！
入境手續好快完成，不過等行李等左好耐>.<
拎完行李就去租車counter叫櫃台小姐幫手打電話俾nissen黎接我地，姐姐好靚呢~~
佢手頭上的資料冇我地的booking，好彩print好定reservation俾佢睇，佢打完電話，過左5分鐘就有人黎接我地喇~




Nissen千歲分店離機場大概5分鐘，辦理booking的手續，包括影印國際牌加司機的passport同埋俾錢，如果有多過一個人會揸車，記住要影晒2個人的資料呢！
不過，竟然話冇得租ETC card，我明明見人地都租到呢，可能真係一間間，部車有ETC card機，但冇ETC card租，好奇怪>.<

搞惦租車手續，就睇下我地架靚仔車喇，yeah，竟然租到出發前最想租的Serena，
仲要係最新款，架車只係落地無耐，行左萬八標，開心~~
6個人租8人車，其實真係有d驚唔夠位，所以出發前講定2個人一個suitcase，
雖然最後我地係3個suitecase加一個backpack，但冇難度呀，都裝得落^^



拎左車，問埋GPS點樣用，我地就出發去小樽喇，好彩之前搵定MAP CODE同酒店電話，一打就Search到點樣行，
我地仲好好彩冇加錢都有英文發聲的GPRS，而地圖係KEEP番日文的！

由於我地首席車手R san第一次係雪地揸車，仲要我地竟然遇上暴風雪，大家都好緊張呀，
因為冇ETC card，所以唯有俾錢啦，方法亦好簡單，去到一般的入口拎張ticket，到離開highway再俾張ticket負責的叔叔，之後俾錢就ok



無驚無險去到小樽，由於太大雪同埋時間關係，我地決定直接去酒店附近的景點北一硝子同小樽音樂盒，
可惜我地太晏了，去完呢2個景點，其他好多都關門了，不過唔緊要，咁我就有更多理由，下次再去北海道~~hehe

小樽北一硝子
R san友人米高之前借左本日文旅遊書俾我地，果度有講北一硝子消費2000yen有免費泊車，所以我地決定去果度食好出名的6層雪糕~~

小樽音樂盒
我之前一直都好想黎呢度，真係好多好靚的音樂盒呀，雖然係第一日，但都忍唔住買左個自己配搭的音樂盒，
顧客可以自己揀音樂盒款式，再揀音樂，唔使5分鐘店員就幫你整好同埋包裝好，我地夾埋買滿10050yen仲有得退稅添呀~

我個旋轉木馬音樂盒係咪好靚呢~~



大正硝子館
我地見呢間未關門，又入左去睇，都係d玻璃工藝品，都幾靚呢~





睇完d鋪頭，我地就返酒店check in，點知我地架車已堆滿了雪，周圍亦都無晒車，亦無咩人行過>.<
車頭玻璃太濛了，R san去左附近買水，又用隨車的刷，搞左好耐先叫左清少少，好彩酒店就係附近，好快就返到去，如果唔係真係唔知點算~
最後俾我發現，原來有個function係抽風入車，呢個就係解決玻璃面的雪/霧氣的方法，R san話平時香港用唔到呢，哈哈~

去到酒店門口落車果陣竟然有大風雪加上地面濕滑，幾位團友都企唔穩，2位車手R san同奴力仲跌倒添呀>.<R san好似整親，好彩卒卒腳之後無大礙，仲行得，但要行慢d，不過証明左我地幾個女仔對boots真係好好，波鞋cons就真係唔係好得，為免再跣親，2位男士都係酒店樓下買左個防滑墊，價值1050yen~~

政壽司
本來諗住食的壽司店已關門，所以叫左酒店小姐幫我地打電話去附近的政壽司book枱，
北海道d刺身實在太好味喇，正~~~



小樽運河
食飽飽，我地就去左隔離的小樽運河影相，可能真係因為暴風雪，條街完全無人，條河都任我地影，
不過，真係太凍喇，對手拎出黎揸相機影幾張相就已經凍到彊晒，點解會咁大雪架！！

睇完運河，我地就去左附近的便利店買野，返去酒店抖下，準備第二日出發去帶廣！
酒店房仔細細，但瞓一晚都算ok丫，同埋佢有wifi機借，唔錯唔錯，下次真係應該要帶定個細細的wifi hub，就仲方便~~
返到酒店仲食左北菓樓的Puff，真係好好味呀！

B-mobile Wifi Card
Check in時，之前訂左mobile wifi已經送到酒店，
我地之前左做research，呢隻b-mobile的wifi真係最抵用，1GB任用14天只係3980yen，
其實香港都有租借wifi機，但係又要去拎又要還，呢隻wifi card方便好多，
如果揀送去酒店，仲唔使另外送charge，如果係機場郵局拎就要加多210yen，
佢另外仲有隻係14-day任用的，不過就會慢過1GB，我地6個人玩8日，覺得1GB已經好夠用，
開頭諗住用R san部S3 LTE做hub，點知我地搞唔惦samsung機，最後都係用左我部iphone 4，
點知iphone原來最多只可以share俾多3個人用，不過其實我地都係搭車先要上下網，酒店大部份都有wifi，所以都ok o既~~
b-mobile: http://www.bmobile.ne.jp/english/index.html