【日本北海道阿寒】- Day 3 十勝豚丼。阿寒湖冬華美

Day 3 小樽 => 帶廣 => 阿寒

交通:	1) 小樽去帶廣: 自駕Nissen Serena
	2) 帶廣去新阿寒酒店: 新阿寒免費旅館車
住宿:	ニュー阿寒ホテル

經過第一日的雪地經驗，我地決定都係早d出門口，以免miss左旅館的免費車，
前一晚本身係泊左係旅館出面的，同reception的大叔用日文溝通左一輪佢都話室內冇晒位，唔俾我地泊番入黎，
開頭仲覺得佢唔肯幫我地，但原來酒店好貼心咁第朝一早就幫我地揸番車入黎，仲幫我地整走晒d雪，實在太好了，錯怪左佢添！
其實我睇其他blog，間酒店都幾靚，而且係運河隔離，揸車的話真係好方便，可惜我地衝衝咁住一晚，冇咩機會慢慢欣賞，下次吧~

出發去帶廣喇，唔知點解我地次次一開車就開始落雪，可能個天想考驗下我地！
不過，我地都好順利咁去到帶廣，點解我地去阿寒要去帶廣?！因為有免費旅館車，真係平幾千yen一個人架，抵呀~
旅館車上車地點叫帯広駅南口とかちプラザ，就係帶廣JR南出口附近，一出去向2點鐘方向就望到架喇！
係圖中的building等，車一黎就一定會見到~~

本來我地預左時間去食豚丼，但怕拎住行李唔夠時間，所以最後都係決定買外賣！
我地決定分頭行事，2人搬行李去車站等，2人去買外賣，2人去還車~

還車地點係正帶廣站隔離，好方便呢~
Nissen的姐姐其實都好似只係係咁易check完話冇問題，就入去俾左張recepit我地話搞惦~

十勝豚肉真係好好味呀！！！不過賣相好似無人地堂食咁靚，同埋外賣貴少少，下次一定要encore呀~

去到新阿寒酒店，嘩，間房都幾大幾靚喎，我後來先發現我本身係BOOK左最平的Crystal，佢upgrade左我地去Shangri-la果邊，抵呀~
溫泉旅館真係好舒服，房間又大，又有浴衣著，仲有溫泉浸，5600yen有好好味的長腳蟹buffet食，真係好抵

食飽飽，我地就去左阿寒湖的冬華美，場地竟然就係正酒店出面~正呀~
不過R san一出去就唔小心跣親，陰公豬，醫師奴力陪左佢上樓急救，我地幾個就去左睇冬華美的煙花，
一邊睇一邊好擔心R san，但又貪玩想睇野>.<

我地住的新阿寒酒店大堂的天花夜間都好靚呢~
奴力話R san隻腳腫腫地，要買繃帶先得，辛苦N君了，可憐的R san經過溫泉治療加奴力的照顧先好番好多咋~~