【日本北海道】- Day 9 千歲

Day 9 千歲 => 北京
Day 10 北京 => 香港

交通:	1) 札幌去千歲機場: JR
	2) 北海道去北京: CA170
住宿:	溫洲水都

北海道之旅去到尾聲了，我地選擇左搭JR去機場，
估唔到JR都會遲，日本的JR平時真係好準時，今次真係第一次遲咁多，
仲要我地明明係企係去機場果行，點知架車黎到之後，門口唔係停係我地果度，
2行Merge埋一行，好多人，我地好難先迫到上車，好無奈，3個男人仲要上唔到，佢地搞到要搭下一架，
之後站站都停好耐，因為大家都好想迫上車>.<

本來我地預左好多時間行街的，因為千歲機場好多野行，但就係因JR遲左問題，我地亦都得番好少時間血拼~
D人又話機場咩都有得買，等我仲好多野之前都無買添，原來都係得D大牌子多，所以大家想買果D記住買左先！
之前租車果陣拎左d coupon，我地去左買蟹，有5% off，d蟹真係好大隻，好好味~

買左d手信之後，我地就要check in了，臨走前，好快咁睇左一睇叮噹個area，
本身有個叮噹館架，但我地無時間睇了，唯有下次啦~

 

Bye Bye喇，北海道！
我地過關過左好耐，好多人好慢，好奇怪，明明入境果陣好快架~~
點解今日咩都咁慢架！！！

點知，入到閘，竟然話架機delay個幾鐘=.="
我地因為要搭connecting flight，即刻去問地勤姐姐，佢地只係答話我地要去到北京再問當地職員=.="
無辦法之下，我地唯有繼續買手信同食下野啦，哈哈~

終於上到機，到達北京，即刻飛去轉機櫃台問下點安排我地，
中轉姐姐竟然話所以去香港的機都取消晒，要第朝先有機俾我地返香港，OMG

我地美好的北海道Trip就係快完結的時候被迫多左日番外篇=.="
話說我地最擔心的係我地d蟹，本身我地的行李係check through去香港，所以叫airline幫我地一定要雪好佢~
點知姐姐話好難知我地邊件行李係蟹，提議我地拎行李出黎，去中轉酒店再幫我地雪番，
就係因為咁我地拎左行李出黎，過唔到海關，因為中國係唔可以帶海產品入境，即使係熟的都唔得>.<
仲要我地d行李有3件爛左，搞左幾粒鐘，我地先拎番d蟹叫airline幫手check through番去香港，唉，真係俾佢激死...

我地係機場無賠償之下，自己就左去食野，果陣已經係夜晚11點幾喇>.<
仲要d鋪頭好多都關門，我地只係食左buger king，之後就搵airline幫我地搞中轉酒店，
原來都幾多人因機delay趕唔到飛機，同我地一樣要stay多晚係北京，
我臨上車前問airline人間酒店叫咩名，佢答我溫洲水都，OMG，咩黎架，唔係之前website果4間黎o既???
但由於我地已經好攰，都無理咁多，上左車先算，因為之前我地問過話d酒店都係離10-15min，
 點知....一搭我地就搭左45min先到，咩鬼地方黎架，咁遠，我地第日仲要搭8點幾機喎...搞錯！

入到酒店check in，超多人，酒店做唔切，要我地放低證件先有得拎key card，
雖然我地都擔心咁樣放低個回鄉証好危險，但我地無得揀，返到房都已經12點幾，
房無得上網，但都叫做乾淨，第朝4點半morning call，唔知幾點搭車，只知morning call完就有車我地去機場，What a day!!!!

第朝4:15就morning call，奴力發現唔對路，打去問左reception，話d車已經係度等緊，
由於太山卡啦，我地都驚無車，所以飛快咁刷牙洗臉就閃，點知落到去好似走難咁，
成百人係個lobby度爭住check out，真係好誇張，我諗大家都係好似我地驚拎唔番證件同埋驚無車~

有驚無險終於上到車，點知去機場的途中，S美人發現佢袋係日本機場買的手信漏左係酒店
以為凶多吉少之際，去到機場，企鵝爸竟然話返酒店拎?！?！
我地因事出突然阻止唔到，唯有先去check in，我地嘗試打電話同埋sms俾企鵝爸，但都聯絡唔到佢>.<
佢去到酒店send左個what's apps俾我地，叫我地夠鐘就入去，唔好等佢，
但我地一行6人黎，又點可以唔理佢呢?！我地唯有等到夠鐘，都唔見人，我地先入去先！

去到閘口，我地即刻問地勤姐姐，佢話企鵝爸已經check in，仲過埋安檢，
我地即刻放下心頭大石，同埋佢都好快喎，只係慢我地少少，因為我地過安檢等得太耐，
企鵝爸趕到黎果一刻，大家都好感動啊，yeah~~S美人欠我地一個世紀之吻囉！

返到香港，回家的感覺真好！
以為Home sweet home之際，另一個惡夢又開始，竟然12件行李，得一件返到香港，唔係呀嘛?！！
又要係機場搞左一大輪，先話有10件會係5點機返香港，咁仲有一件去左邊呀??
企鵝爸留守機場，R san就先回家再去機場一齊拎行李，
最後唔見左果件竟然係Spice同R san的2隻松葉蟹，wuwu>.<

由於Spice妹係機場office做，佢同同事幫我打去鬧爆左Air China，
最後先話失蹤果件行李仲係北京，但竟然唔可以即晚返港，要等多一日先送返香港
本來已經遲左1日，但竟然仲要遲多1日，真係激死左>.<

R san送番行李黎俾Spice同大王果陣，大王同奴力竟然送左佢地其中一隻蟹俾我地，話有福同享，好感動啊！！
多謝奴力同大王的賞賜，雖然已經無咁新鮮，但都好好味啊！

北海道之旅雖然已經結束，但大家已經大郁郁，諗定夏季或秋季要再去過，Yeah！
北海道が大好きだ～～楽しかったよ