【日本北海道阿寒】- Day 4 阿寒湖冬華美

3月 25, 2013

Day 4: 阿寒

交通:	On Foot
住宿:	ニュー阿寒ホテル

由於我地貪心睇多d雪祭的關係，搞到日日都要轉酒店，今日終於唔使趕路了～
起身浸溫泉，食個早餐，可以慢慢欣賞阿寒溯的美景~

S美人趁無人，成功偷影到新阿寒酒店的靚溫泉，勁呀~~
(不過，記住其實溫泉是不可以拍照啊～）

今日一項特別活動: 影結婚相！
友人大王同醫師奴力將終今年4月共諧連理，趁今次有美麗的雪景，影番幅婚照，主攝影師由友S美人負責~~
雖然好好天，但係著住婚紗的美麗新娘子大王同新郎奴力應該真係凍到震呀！！

影完婚紗相，我地去左阿寒溫泉街行街同食LUNCH，不過唔知點解好多餐廳都冇開呢，最後去左呢間叫丸木舟一的餐廳食飯~
我叫左個豚肉飯，好味~~

呢d阿努族民族村好靚呢~~
R san仲買左對雪boots以免再跣親~~

阿寒湖冬華美
阿寒湖的雪祭其實有好多日間的雪上活動，出發前S美人上網睇到有隻pass係2500yean包玩3樣雪上活動，仲可以去好出名的鶴雅溫泉酒店浸溫泉，另外，仲有300yen可以用黎係溫泉街買野(只要有貼海報的店舖就用得架喇)，抵呀~~
其實，佢仲包左去滑雪4小時，但我地冇時間去呢~~
記住呢隻pass係會場係冇得賣架，一定要係酒店問reception買呢~~會場只可單購每項game~~

以下就係包左果3隻野喇，我覺得第一隻最好玩，因可以自己控制速度，不過開頭就有d驚，哈哈~
另外，香焦船都好正，因為可以唔使郁就欣賞到好靚的阿寒湖景色~~

玩完我地見仲有時間就去左鶴雅浸溫泉，由於時間關係冇時間浸晒2個溫泉，
問左reception的姐姐邊個好d，佢推介左我地去果個竟然係室內的！
後來聽S美人講，原來另外果個係室外的，仲要超靚，蝕左添~~
不過錯有錯著，浸完溫泉見到原來鶴雅出面有個小型雪祭路，個免費朱古力好好飲呀~~

浸完溫泉，係溫泉街行左陣，就返酒店食晚餐喇~~
除左燒長腳蟹，我最鍾意就係甜品，哈哈~

今日R san同奴力終於都可以同我地一齊去睇冬華美的煙花喇~~
其實每一個雪祭都有入場費，不過阿寒的係自願俾的，為左明年都仲有雪祭，所以我都盡少少棉力，俾左300yen~
拎左張-10度的証明書連postcard，原來可以3張飛仔都換呢款，可以揀唔飲牛奶甘酒果d，所以我換多左2張俾S美人同埋大王~~