【日本北海道知床】- Day 5 知床流氷ノロッコ号。知床雪祭

Day 5 阿寒 => 美幌 => 網走 => 知床

交通:	1) 阿寒去美幌: 新阿寒免費旅館車
	2) 美幌去網走: JR (530yen)
	3) 網走去知床: 流氷ノロッコ号 (810yen)
住宿:	知床第一ホテル

起身食過早餐後，就搭旅館的免費車去美幌轉JR去網走~
因為今日的重點之一就係網走去知床果程氷ノロッコ号，可以睇到沿岸由鄂霍次克海飄來的浮冰~

去到網走，我地就放低行李係JR站到，本身可以用coin locker，但我地d行李太大件了，好難放入去，
所以最後放左係JR的office，開頭仲以為係免費，但原來都係要錢，不過唔緊要啦，同locker差唔多，但唔使勉強放入去^^
之前本身諗住食呢間係JR旁的小店，但諗住行多陣睇下有咩食先，奴力醒起之前睇電視廣告話KFC有龍珠換，於是我地就去左KFC睇下~~
當然最後唔止睇，仲係果度食埋lunch~3位男士最後竟然為左換龍珠水壺，叫左最貴5000yen的餐，換齊一套！
一套睇又的確真係好吸引o既~~

食飽再行番去JR站拎行李，準備搭去知床的特別車流氷ノロッコ号
呢架車好特別架，可以沿途睇浮冰，仲有得燒魷魚食，仲可以係咁影相，正呀~
(http://www.jrhokkaido.co.jp/travel/doutou_win2012/train2.html)

中途仲會停留一個叫北浜站的地方，不過唔係架架都停架，我地今次就好好彩停留左9分鐘，影左幾張相又要上番車呢~

話咁快就去到知床喇，我地要係呢度等溫泉旅館的免費車，有成個幾鐘無野做呢！
不過，好好彩識日文，睇MAP發現其實JR附近有便利店，仲要有超級市場呀~

行左5-10分鐘，去到超級市場即刻影下相 (就係呢間みたに)，有個日本阿叔見到仲係咁問我地做咩要影相，哈哈！

辛苦R San同埋企鵝爸了，要係站度看行李(不過個等候室都幾舒服)，冇得去行街，
其實超級市場d野真係平好多，好想買R san鍾意飲果支野飲的2L裝，可惜太重了，我無能為力>.<

車站對出望到的1點鐘位置就係上車地點 ，差唔多時間，我地就行出去等，
日本人果然好準時，我地一出去架巴士就到了~~

去到知床第一酒店，好大好靚呀~連個大堂都好靚！
呢間酒店俾我的印象好好，因為之前booking果陣mark左叫佢book埋車，佢好快就覆左我，好有效率！
我地今晚住6人房，真係好大呀，有2張床，另外4個瞓TATAMI~
佢有3個溫泉，同其他溫泉旅館一樣，都係男女湯輪流替換的~~

知床第一酒店的buffet真係好正呀！好多選擇，如果可以住多晚，咁就好喇>.<
d帶子好肥美，個海鮮湯好好飲，仲有芭菲都好好食，好開心~~

食飽之後，我地就去坐酒店的車去雪祭會場，知床的雪祭係一個幻燈show，雖然唔係話真係超級好睇，但都過得去啦~
我覺得最靚的係滿天星星，我從未見過咁多星星呢，好似去左太空館咁，好美~~
知床果然係世界遺產之一，真係好靚，下次一定要夏天再黎，要去行下山^^