【日本北海道札幌】- Day 8 札幌狸小路。山頭火。激安之殿堂

Day 8 層雲峽 => 札幌

交通:	1) 層雲峽去札幌: 朝陽亭免費旅館車
	2) 札幌市內: 地下鐵 (200yen一程)
住宿:	ホテル京阪札幌

今日就要返札幌喇，起身浸個溫泉食個早餐先~
間房個view好好，係望住大雪山的，溫泉無人呀，我地又係地偷偷影相，哈哈
呢個溫泉就係琴晚好細迫到爆果個，今日無人舒服好多~




今朝早餐個view都好好呀，仲睇到d鹿仔添呀~

本身今日諗住早的話，可以坐欖車上五岳睇景，不過大家都攰了，所以取消左，
其實個雪山咁大，應該就咁睇個景都唔係差好遠掛..hehe
食完早餐，我地就check out搭免費車返札幌喇，果然同website講的一樣，真係每間房都送一箱薯仔呢~~
成1kg@，好彩改左行程最尾先住呢間，唔係都真係唔知點樣拎成程，哈哈~

今程免費車真係好抵，因為搭JR要成4680YEN架，所以又慳左~
R san成日都問我點解d免費車可以坐咁遠咁抵，我諗應該係因為冬季算係淡季，d溫泉旅館想吸引多d人去掛~哈哈

去到中途的道の駅停左9個字俾我地食lunch，good~
呢個站好多野睇好多野食，我地只係試食都食到飽喇~~


仲要呢度竟然有臨時post office，我地買左郵票，終於可以寄post card了~~

終於到左札幌了~
我地今日住的酒店果然好近JR站，係西札口一出去過2條馬路轉個彎就到~
我地開頭傻下傻下過左對面，返黎睇返先知酒店個MAP其實真係好準，過完第一條馬路，
見到Tstaya就行入去穿過去，見到紅綠色的便利店Sunrus轉右，第一個街口轉左就係~~

就係呢對玻璃門穿過去喇~
呢間就係我地住的ホテル京阪札幌，平得黎又幾大幾靚喎(以市區黎講)~

放低行李，我地又出發去行街喇~
今次我地搭地下鐵去狸小路~go go go~~

狸小路札幌貴為北海道最大城市，果然熱鬧好多呀~
王將的餃子好好味呀~~

S美人之前係網上睇到狸小路有間手信店大部份野食都係免稅的，我地Cheapsss的團友又點會錯過呢~
買呀買呀~~就係呢間喇，呢間鋪仲好貼心會幫你pack箱架~大家去札幌記住認住佢，真係抵好多呢~

開始入夜，凍左好多，有位仁兄仲扮大隻，竟然以為好暖，只係著左年短由衫加風褸=.="
其實日頭暖極都係幾度架咋，入夜開始落雪應該又得番負幾度，所以最後有人乘機買左件褸，不過又真係幾好睇~

Tokyo Hands
行完狸小路，我地去左Tokyo Hands行街，其實我好鍾意去Tokyo Hands架，
以前去親日本都一定去行，買好多卡呀得意野，今次都見到好多好靚，但都係忍手買左好少，哈哈~

後來大王仲發現左呢部puzzle機，可以將sd card放入去，只需幾分鐘就可以將一張相變成靚靚的puzzle~
同埋一d都唔貴，都係300yen，所以大家都玩左好耐~哈哈~

山頭火

我地本身仲想再行多一兩間mall，但好多唔係已經關門就係無開，激死~
於是我地去左醫肚，今次食左山頭火，其實係香港都有，但係次次都好多人無食過~都幾好味喎，不過我始終都係最鍾意食大阪的幸福拉麵多d~~

激安之殿堂
食飽飽，我地就去左狸小路的激安之殿堂行街，因為呢間野真係去到邊都係開到好夜，哈哈~

不過，唔知係咪上次去旭川果間真係太大了，所以好多野上次都行左，今次無行咁耐~

d iPhone 5 case好靚呀，點解無4賣架


之後返酒店放低野，我地又出左酒店附近的便利店行，最後我都抽左唐老鴨，yeah~~
我仲買左我最鍾意飲的果汁酒，成個trip第一次飲，好最愛的もも，又靚又好飲~
札幌真係好大雪，好凍呢，行完我地就返左酒店休息了，我都執左好耐先拎晒d手信出黎影相呢，好唔捨得北海道呀>.<